SHBA, Trump do të emërojë
dhëndrin e tij si këshillta

Presidenti i zgjedhur i Amerikës, Donald Trump, do të emërojë dhëndrin e tij, Jared Kushner, si një prej këshilltarëve të tij gjatë qëndrimit në Shtëpinë e Bardhë.
 
Lajmi është konfirmuar edhe nga zëdhënësi i  Trump,  Kellyane Conway, e cila e përshkruajti njoftimin si “Lajmin më të mirë të ditës”.
Jared Kushner, është bashkëshorti i vajzës së Trump, Ivanka Trump dhe vjen me një formim nga fusha e biznesit.
 
Ndërkohë sipas mediave amerikane, emërimi i tij si këshilltar në Shtëpinë e Bardhë bie ndesh me ligjet e nepotizmit dhe kanë ngritur shqetësimin se ky emërim mund të sjellë konflikte  në të ardhmen.
 
Sipas ekipit të presidentit të zgjedhur të SHBA-ve, Donald Trump, emërimi i Kushner si këshilltari i vjehrrit të tij gjatë mandatit presidencial nuk bie ndesh me asnjë ligj, pasi barrierat ligjore për emërimet e të afërme në pozicione qeveritare nuk kanë fuqi mbi administratën e Shtëpisë së Bardhë.
 
Trump do të bëjë betimin e tij më 20 janar dhe në këtë ceremoni do të marri funksionet e plota të presidencës, duke u bërë kështu presidenti i 45-të i Shteteve të Bashkuara të Amerikës.
 
Redaksia Online
D.T/Shqiptarja.com