POP 5

Lajmet më të lexuara të 5 minutave të fundit

Arkiva

SHBA,Trump: Vendos për paktin
e ndryshimeve klimatike gjatë javës

Shtetet e Bashkuara të Amerikës do të braktisin marrëveshjen për ndryshimet klimatike të nënshkruar në Paris. 
Shtetet e Bashkuara të Amerikës do të braktisin marrëveshjen për ndryshimet klimatike të nënshkruar në Paris.

Të paktën kështu raportojnë mediat të cilat citojnë burime shumë të afërta nga Shtëpia e Bardhë.

Ndërsa presidenti Trump në një publikim në rrjetin social twitter edhe njëherë përsërit se vendimin do ta bëj public gjatë javës.

E nëse ndodh tërheqja deklarata zyrtare pritet të bëhet nga shefi i agjensisë për mbrojtjen e ambjentit  i cili do të përcaktojë kushtet e tërheqjes nga marrëveshja.

Një vendim i tillë i SHBA-së do të ishte goditja më e rëndë kundër politikave mjedisore të  ish-presidentit Barack Obamës dhe do të dërgonte një sinjal të qartë botës, se ndryshimet klimatike nuk janë një prioritet për Washingtonin në vitet e ardhshme

Pasoja e dytë e tërheqjes së SHBA-së është se ky proces  do të zgjas deri në 2020 . Me një vendim të tillë Washingtoni rrezikon të mbetet jashtë cdo lloj marrëveshjeje globale mbi klimën.

Trump refuzoi të miratonte akordin historik mbi ndryshimet klimatike gjatë punimeve të samitit të G7-s ditën e shtunë, duke thënë se i duhej më shumë kohë për të vendosur.

Sipas marrëveshjes të nënshkruar në Paris  edhe nga vendi ynë dy vite më parë synohet që temperatura mesatare e planetit të jetë nën 2 gradë Celsius ndërsa Trump mendon se shtimi i prodhimit të qymyrit do të ndihmojë në krijimin e vendeve të punës.


Redaksia Online
e.m/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03