SHBA, vazhdon përplasja midis
gjykatës federale dhe Shtëpisë së Bardhë

Vazhdon përplasja midis gjykatës federale dhe shtëpisë së bardhë, lidhur me ndalimin urdhërit ekzekutiv të Donald Trump, ku ndalohej për 120 ditë hyrja e personave nga Çadi, Irani, Libia, Somalia, Siria dhe Jemeni disa vende muslimane.

Gjykata federale e ka konsiderua urdhërin e Trump si tejkalim të kompetencavenga ana e presidentit.

Shtëpia e Bardhë e konsideron vendimin e gjykatës federale  si të rrezikshëm, saboton përpjekjet e presidentit për të garantuar sigurinë e popullit amerikan. 

Përgjigjia e Shtëpisë së Bardhë pas vendimit të gjyqtarit Derrick Watson, i cili mori vendim kundër kufizimeve të udhëtarëve nga vendet muslimane, që administrata e Presidentit Trump, tha se nuk mund të jepnin informacion të mjaftueshëm, për të përmbushur standardet e sigurisë së Shteteve të Bashkuara.

Këtë të mërkurë, një gjyqtar në Merilend, u bë pjesë e bllokimit të urdhrit, me argumentin se fjalët e vetë zotit Trump sollën si rezultat vendimin për të parandaluar bllokimin.

Gjyqtari Theodore Chuang dëgjoi të martën argumentat e grupeve të të drejtave, kryesuar nga Projekti Ndërkombëtar për Ndihmën ndaj Refugjatëve, argumentat e të cilit ishin që urdhri i fundit për ndalim, vazhdon të jetë një ndalim për myslimanët dhe se e tejkalon autoritetin presidencial.

Sipas gjyqtarit Derrick Watson urdhri i ri i udhëtimit “ka të njëjtat probleme si edhe ai paraardhës: nuk ka të dhëna të mjaftueshme që të mbështesin përfundimin se mbi 150 milionë shtetas nga gjashtë vendet në listë do t’u shkaktonin ‘dëm Shteteve të Bashkuara,”.

Ndërsa Shtëpia e Bardhë argumenton se kufizimet “janë jetike për të siguruar përmbushjen nga ana e vendeve të huaja të standardeve të sigurisë të nevojshme për integritetin e sistemit të imigracionit dhe sigurinë në SHBA."

Redaksia Online
Xh.F /Shqiptarja.com