Shtetet e Bashkuara vazhdojnë të ushtrojnë trysni për arritjen e një armëpushimi në luftën 10-mujore Izrael-Hamas. Marrëveshja, veç ndalimit të luftimeve do të përfshijë edhe lirimin e pengjeve të marrë gjatë sulmit terrorist të 7 tetorit në Izrael. Siç njofton korrespondentja e Zërit të Amerikës Laurel Bowman negociatorët pritet të kthehen në bisedime, që po zhvillohen në Kajro, deri në fund të javës, pasi Sekretari i Shtetit Antony Blinken vizitoi rajonin.
Luftimet kanë vazhduar në Rripin e Gazës mëngjesin e të premtes, ndërsa Uashingtoni, Katari dhe Egjipti po vazhdojnë përpjekjet për ndalimin e luftës.
Ushtria izraelite njoftoi të premten se ka vrarë ‘dhjetëra’ militantë gjatë luftimeve të një dite më parë.
Zyrtarët shëndetësorë palestinezë thanë se sulmet izraelite vranë të paktën 22 persona, ndërsa vazhdojnë luftimet Izrael - Hamas.
Banori i Gazës, Majid al Dabak thotë se ai humbi të afërmit në këto sulme. “Shtëpia u godit dhe të gjithë brenda, fëmijë, burra, gra u hodhën në erë, sikur shtëpia të mos ishte ndërtuar kurrë…”, thotë zoti Dabak.
Zyrtarët shëndetësorë të Gazës thonë se përgjatë sulmeve 10 mujore izraelite janë vrarë më shumë se 40,000 palestinezë. Izraeli thotë se sulmet e tij kanë në shënjestër grupin të përcaktuar si terrorist nga Uashingtoni, Hamas, i cili vrau 1200 njerëz dhe mori qindra pengje gjatë sulmit të 7 tetorit.
Të enjten u njoftua se një tjetër luftanije amerikane hyri në ujërat e Lindjes së Mesme, ndërsa vazhdojnë tensionet në pritje të sulmi të mundshëm iranian ndaj Izraelit. Teherani është zotuar se do të hakmerret për vrasjen e udhëheqësve të Hamasit dhe Hezbollahut, dy prej aleatëve të tij në rajon.
“Ne kemi shtuar praninë ushtarake në rajon. Besoj se është e drejtë të thuhet se kemi hyrë në zona që do të ndikojnë në llogaritjet e Iranit për mënyrën dhe, nëse vendos, të veprojë. Ky veprim gjithashtu dërgon një mesazh që ne jemi përkrah Izraelit”, tha Sabrina Singh, zëdhënëse e Departamentit të Mbrojtjes.
Sekretari amerikan i Shtetit Antony Blinken u kthye nga Lindja e Mesme këtë javë. Ai tha se negociatorët paraqitën një propozim që trajtonte çështjet e pazgjidhura midis Izraelit dhe Hamasit.
“Me partnerët tanë në Egjipt dhe Katar, mesazhi ynë është i thjeshtë, i qartë dhe urgjent. Ne kemi nevojë të arrijmë marrëveshjen për armëpushimin dhe lirimin e pengjeve”, thotë Sekretari i Shtetit, Antony Blinken.
Ekspertët e lidhjeve arabo-izraelite thonë se puna e negociatorëve arabë është me rendësi kyçe për të ulur tensionet në rajon.
“Nëse ndërmjetësit arabë janë të bindur se Izraeli e ka pranuar propozimin e Blinkenit, mesazhi që do t'i përcillet Iranit dhe të tjerëve është se: “ne e kemi pajtimin e Izraelit, ende jo të Hamasit, por do të vazhdojmë të përpiqemi’”, thotë David Makovsky nga Instituti i Uashingtonit.
Izraeli thotë se i duhet dhënë fund kërcënimit të sigurisë nga Hamasi. Hamasi kërkon tërheqjen e plotë të trupave izraelite nga Rripi i Gazës.
Kombet e Bashkuara thonë se 90% e 2.1 milionë banorëve të Gazës janë zhvendosur që nga fillimi i luftës vitin e kaluar./VOA
Lajme të tjera
-
Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës
27 Nëntor, 22:16 -
Agron Gjekmarkaj: Sami Repishti iku, la pas një monument
27 Nëntor, 20:40
-
'Ajo duket e dehur', amerikanët të habitur nga gjendja e Kamala Harris në videomesazh: Mesa duket stafi i saj e urren (VIDEO)
27 Nëntor, 20:23 -
Trump nominon gjeneralin e pensionuar Kellogg si të dërguar për Ukrainën dhe Rusinë
27 Nëntor, 20:11 -
Ndahet nga jeta akitivisti shqiptaro-amerikan Prof. Sami Repishti, simboli i qëndresës ndaj torturave të komunizmit
27 Nëntor, 19:03 -
SHBA/ Kërcënime me bomba ndaj të përzgjedhurve të Trump për kabinetin e ri! Reagon FBI
27 Nëntor, 19:01 -
NBA/ Phoenix i jep leksion Lakers, Milwaukee 'shkelmon' krizën! Fitojnë Bulls e Rockets
27 Nëntor, 14:24 -
Javier Mascherano fiton garën me Sylvinhon, prezantohet zyrtarisht te Inter Miami
27 Nëntor, 13:53 -
Kina, Meksika dhe Kanadaja reagojnë ndaj kërcënimeve të Trumpit për tarifat tregtare
27 Nëntor, 13:17 -
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
Trump nënshkruan marrëveshje me Shtëpinë e Bardhë për të filluar zyrtarisht transferimin e pushtetit
27 Nëntor, 07:13 -
Borrell: Europa të zbatojë mandat arrestin për Netanyahun! SHBA të veprojnë si të duan
26 Nëntor, 13:39
