Bisedimet për t’i dhënë fund “shutdown”, bllokimit të pjesshëm të administratave federale amerikane i cili po hyn në javën e tretë, shënuan progrese të pakta të shtunën por do të vijojnë edhe sot, pohoi presidenti Donald Trump. Zëvendëspresidenti, Mike Pence u takua të shtunën me Chuck Schumer, kreu i demokratëve në Senat i kontrolluar nga republikanët dhe demokraten Nancy Pelosi, e cila u zgjodh të enjten kryetare e Dhomës së Përfaqësuesve, ku demokratët zotërojnë shumicën.
Sot u shënuan progrese të pakta, por një takim i dytë është planifikuar për nesër, shprehet Trump në një postim në Twitter’. Presidenti Trump ka thënë se “nuk është bërë shumë përparim” pasi udhëheqësit e Kongresit nuk plotësuan kërkesat e presidentit për të ndërtuar murin në kufi me Meksikën, financimin e së cilës Trump e ka futur në buxhet. Ndërtimi i murit, ka qenë shkaktari i mbylljes së pjesshme të Qeverisë amerikane.
“Pas shumë dekadash, duhet të zgjidhim përfundimisht problemet me kufirin jugor”, ka shkruar ai, duke kërkuar sërish fonde që të ndërtohet muri përgjatë kufirit SHBA-Meksikë, gjë që kundërshtohet fuqishëm nga demokratët.
Më herët, nënpresidenti amerikan, Mike Pence ka thënë se takimi në Shtëpinë e Bardhë ndërmjet zyrtarëve të administratës dhe zyrtarëve të Kongresit “ka qenë produktiv”. Trump po kërkon 5,6 miliardë dollarë fonde për ndërtimit e murit me Meksikën, ndërkaq demokratët në Kongres kanë refuzuar që të shpenzojnë buxhet për ndërtimin e tij.
Sipas presidentit amerikan, ndërtimi i murit është i nevojshëm për ndaljen e migrantëve ilegalë dhe kontrabandës së drogave. Demokratët thonë se kjo do të ishte një mënyrë joefikase për të luftuar migracionin e paligjshëm dhe trafikimin e drogës. Gjatë fushatës për zgjedhje presidenciale më 2016, Trump ishte zotuar se Meksika do të paguajë për ndërtimin e murit, por Meksika ka refuzuar të bëjë një gjë të tillë.
Lajme të tjera
-
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Kryediplomati i ardhshëm amerikan, Marco Rubio dhe politika e jashtme
23 Nëntor, 18:05 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20
