Policia qëlloi dhe vrau Peter Selis që qëlloi 7 persona që po festonin një ditëlindje pranë Universitetit të Kalifornisë në San Diego.
Autori qëlloi 4 gra dhe tre burra të cilët u dërguan në spital, por njëra nga gratë nuk u mbijetoi dot plagëve.
"Kjo që ndodhi sot këtu është me të vërtetë një akt i tmerrshëm i dhunës. Qyteti ynë, të gjitha mendimet dhe lutjet tona shkojnë për viktimat dhe familjet e tyre sonte", tha në një konferencë për shtyp kryebashkiaku i San Diego Kevin Faulconer.
Tre oficerë në terren e qëlluan të dyshuarin ndërsa në dorë mbante armën që kreu plagosjet e vrasjen.
Policia beson se Selis jetonte në kompleksin ku ndodhi ngjarja por ende nuk janë zbuluar shkaqet e sulmit.
Redaksia Online
Al.N/Shqiptarja.com
![](https://www.shqiptarja.com/template/img/sh_logo1.png)