Dy javë pas vrasjes së afrikano amerikanit George Floyd nga ana e policisë dhe që ngjalli protesta kundër racizmit dhe dhunës policore në të gjithë botën, anëtarët demokratë të Kongresit, me kryetaren Nancy Pelosi, u ulën në gjunjë për t’i bërë homazhe viktimës, imazhe të cilat menjëherë janë bërë virale.
Me demokratët amerikanë u bashkuan edhe dhjetra përfaqësues liberalë të Kongresit dhe të gjithë bashkë mbetën në gjunjë për 8 minuta dhe 46 sekonda, koha në të cilën Floyd mbeti i shtrirë në trotuar pa mundur të marrë frymë.
1.25 milion dollarë për lirim me kusht të oficerit policor Derek Chauvin
Një gjykatës amerikan ka vendosur shumën prej 1.25 milion dollarësh për lirim me kusht të oficerit policor Derek Chauvin, i cili doli në gjyq për herë të parë të hënën me akuzën e vrasjes së afrikano-amerikanit George Floyd.
Pas seancës së shkurtër dëgjimore përmes video-lidhjes nga paraburgimi ku ndodhet ish-oficeri i policisë, gjykatësja Jeannice Reding nga qarku Hennepin County Minneapolis ka planifikuar për 29 qershor seancën tjetër për të adresuar bazën e çështjes.
Gjykatësja së pari caktoi shumën prej 1 milion dollarësh dhe më pas e ngriti edhe me 250.000 dollarë.
Zëvendësprokurori i Përgjithshëm i Minesota, Mathew Frank tha se rëndësia e akuzës dhe forca e zemërimit të publikut kundër Chauvin mund ta detyronin me lehtësi të arrestuarin të ikte nëse lejohej të gjykohej në përgjithësi. Chauvin akuzohet për vrasje të shkallës së dytë.
Mijëra vetë parakaluan pranë arkivolit me trupin e George Floyd në një kishë në Hjuston, i cili vdiq dy javë më parë gjatë arrestit nga policia.
Vdekja e tij ka vazhduar të zgjojë protesta mbarë-kombëtare kundër praktikave policore ndaj popullatës afrikano-amerikane.
Mijëra protestuesit në ceremoninë mortore që shkuan për homazhe pranë arkivolit të hapur mbanin maska për të shmangur përhapjen e koronavirusit.
Ndër personat që zhvilluan homazhe ishte edhe guvernatori i Teksasit, Greg Abbott, i cili tha në komentet për shtyp se do të përfshijë familjen e viktimës në diskutimet mbi reforma në praktikat policore.
Para kishës, organizatorët kishin sjellë një tufë të madhe me lule që krijonte me ngjyra fjalët Jetët e Popullatës me Ngjyrë Janë me Vlerë.
Sot zhvillohet gjithashtu varrimi i trupit të George Floyd në një varreze në Hjuston, ku ai jetonte deri pak vjet përpara, para se të vendosej në Mineapolis në përpjekje për mundësi më të mëdha punësimi.
Protestuesit në mbarë botën për gati dy javë marshuan kundër racizmit dhe brutalitetit policor. Sipas raportimeve, protestat vijnë ndërsa janë planifikuar shërbesa përkujtimore për Floydin në Karolinën e Veriut dhe për funeralin e tij në Teksas.
Lajme të tjera
-
Dhoma e Përfaqësuesve voton këtë javë për ndihmën për Ukrainën dhe Izraelin
18 Prill, 09:33 -
Sondazhi i Gallup: Vazhdon të bjerë besimi tek institucionet amerikane
17 Prill, 16:27 -
Meta sulmon sërish Dumanin: Më ke çuar njerëz që të iki nga Shqipëria! SHBA të ka thënë më fut në burg, nga qelia do e shkrij atë celulë kriminale
17 Prill, 11:13 -
SHBA, BE dhe Britania dënojnë sulmet e Metës ndaj kreut të SPAK: Krah drejtësisë, mbështesim ata që do t’i japin fund pandëshkueshmërisë
17 Prill, 08:43 -
Sulmi ndaj Izraelit, SHBA dhe BE gati sanksionet e reja ndaj Iranit! Blinken bisedë me kryeministrin e Katarit: Duhet shmangur përshkallëzimi
17 Prill, 08:04 -
SHBA/ Kongresi dërgon në Senat akuzat për shkarkimin e Sekretarit të Sigurisë Kombëtare, detyrojnë zhvillimin e një gjyqi
17 Prill, 07:31 -
Komisioni i Senatit miraton kandidaturën e ambasadorit të ri amerikan në Shqipëri, David J. Kostelancik
16 Prill, 20:52 -
Gjykata e Lartë shqyrton vlefshmërinë e një prej akuzave të 6 janarit
16 Prill, 18:18 -
NASA: Objekti që goditi një shtëpi në Florida erdhi nga Stacioni Hapësinor
16 Prill, 11:16 -
Pse disa vende arabe po e ndihmojnë Izraelin kundër Iranit?
16 Prill, 08:53 -
Donald Trump në gjyqin e parë penal ndaj një ish Presidenti në SHBA
16 Prill, 08:27 -
Ben Blushi: Pse e sulmoi Irani Izraelin
15 Prill, 20:58
