SHBA-Tornado në kohë pandemie, 6 viktima në Mississippi, qindra ndërtesa të shkatërruara në Luiziana (VIDEO)

Tornado të fuqishme kanë goditur Mississippin, në SHBA duke vrarë 6 persona dhe duke dëmtuar qindra ndërtesa në Luiziana .

Zyrtarët e Shërbimit Kombëtar të Motit thanë se fillimisht shteti u përfshi nga erëra të forta deri sa më pas tornado u shfaqën pranë kufirit mes Mississippit dhe shtetit të Alabama.

Po sipas Shërbimit të Motit, tornado të shumta dhe erëra të forta goditën edhe pjesë të Luizianës si shkak I të vilave pati mijëra ndërprerje të energjisë elektrike.

Jamie Mayo, kryebashkiaku i Monroe, tha se prej stuhisë janë dëmtuar rreth 300 ndërtesa.

Të paktën dy tornado goditën gjithashtu edhe Teksasin dhe për pasojë në disda aeroporte u ndërprenë fluturimet si dhe pati shumë ndërprerje të energjisë.

Strehim në mes të koronavirusit

Të goditur nga më shumë se një duzinë tornado, banorët e Marble Falls, rreth 50 milje në lindje të Austin, janë strehuar në disa qendra sociale të ofruara nga autoritetet të cilët i kanë këshilluar gjithashtu të mbajnë maska dhe të ruajnë distancën sociale në ambjentet e ofruara. 

Kryetari i Bashkisë Monroe Mayo tha se ai u kishte kërkuar hoteleve t'u ofrojnë dhoma njerëzve të mbetur të pastrehë nga stuhitë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Dasmë në Big Brother, Heidi dhe Romeo do të martohen

Dasmë në Big Brother, Heidi dhe Romeo do të martohen