POP 5

Lajmet më të lexuara të 5 minutave të fundit

Bota

Shefi i NATO-s ‘shpreson për një tranzicion paqësor’ në Siri, pas rënies së regjimit të Assadit

Sekretari i Përgjithshëm i NATO-s Mark Rutte bëri thirrje të hënën për një tranzicion paqësor të pushtetit në Siri dhe një proces politik gjithëpërfshirës, ​​të udhëhequr nga Siria.

Shefi i NATO-s ‘shpreson për një tranzicion paqësor’ në Siri, pas rënies së regjimit të Assadit

Sekretari i Përgjithshëm i NATO-s, Mark Rutte

Sekretari i Përgjithshëm i NATO-s Mark Rutte bëri thirrje dje (9 dhjetor) për një tranzicion paqësor të pushtetit në Siri dhe një proces politik gjithëpërfshirës, ​​të udhëhequr nga Siria.

Regjimi i Assadit u shkatërrua me shpejtësi ndërsa forcat rebele hynë në Damask pas mesnatës së të dielës pas një avancimi të shpejtë në kryeqytet.

“Ky është një moment gëzimi, por edhe pasigurie për popullin e Sirisë dhe rajonit. Shpresojmë për një tranzicion paqësor të pushtetit dhe një proces politik gjithëpërfshirës të udhëhequr nga Siria”, tha Rutte në një deklaratë.

Sipas mediave të huaja, ai theksoi gjithashtu nevojën që udhëheqësit rebelë sirianë të mbështesin sundimin e ligjit, të mbrojnë civilët dhe të respektojnë pakicat fetare gjatë tranzicionit.

Rutte kritikoi Rusinë dhe Iranin, mbështetësit kryesorë të regjimit të rënë të Bashar al-Assad, për rolet e tyre në konflikt dhe tha se ata e braktisën Assadin pasi ai nuk u shërbente më interesave të tyre. Ai shtoi se Moska dhe Teherani ndanë përgjegjësinë për krimet e kryera kundër popullit sirian.

Politikanë të tjerë të rangut të lartë kanë shprehur opinione që variojnë nga kënaqësia e deri te frika.

“Diktatura mizore e Assadit është shembur. Ky ndryshim historik në rajon ofron mundësi, por nuk është pa rreziqe. Evropa është e gatshme të mbështesë ruajtjen e unitetit kombëtar dhe rindërtimin e një shteti sirian që mbron të gjitha pakicat", tha kryetarja e Komisionit Evropian Ursula von der Leyen. 

Nënkryetari i sapozgjedhur i SHBA JD Vance tha se SHBA duhet të qëndrojë larg kesaj lufte. 

'Siç tha Presidenti Trump, kjo nuk është lufta jonë dhe ne duhet të qëndrojmë jashtë saj. Shumë nga ‘rebelët’ janë një degë e vërtetë e ISIS. Dikush mund të shpresojë se ata kanë moderuar. Koha do ta tregojë', tha ai.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

11 Janar, 22:59