POP 5

Lajmet më të lexuara të 5 minutave të fundit

Kronikë

Shemben dy kullat e pallatit
INUK përdori 400 kg tritol

Shembet me 400 kg tritol C4 kompleksi “Jon” që njihet në Vlorë si “pallati i Lulzim Bashës”.
Shemben dy kullat e pallatit<br />INUK përdori 400 kg tritol
VLORE- Shembet me 400 kg tritol C4 kompleksi “Jon” që njihet në Vlorë si “pallati i Lulzim Bashës”. Ka qënë ora 14:00, kur nga drejtuesit e shtabit që drejtonin operacionin për rrëzimin e objektit 8 katësh, është shtypur butoni, duke sjellë dhe aktivizimin e sasisë prej 400 kg tritol, të vendosur në mbi 1500 vrimat e hapura në kollonat e betonit. Kompleksi “Jon”, i përbërë nga dy kulla është rrëzuar totalisht në njërën pjesë, ndërkohë kulla tjetër është shembur në tre katet e para ndërsa 5 katet e tjera kanë mbetur të padëmtura.

Shpërthimi ka dëmtuar rëndë këtë pjesë, duke e anuar në drejtim të detit. Pas largimit të tymit të krijuar, fadromat dhe eskavatorët e INUK kanë filluar të shembin kollonat një e nga një. Ky proces sipas drejtuesve të operacionit është kryer përgjatë gjithë natës së djeshme, duke sjellë dhe shembjen totale edhe të kullës së dytë të kompleksit “Jon”. Paralelisht me shembjen e objektit, një grup puntorësh kanë nisur largimin e inerteve të pallatit, me qëllim kthimin e teritorit në gjëndjen e mëparshme.

Masat e marra
Para se të kryhej shpërthimi i fuqishëm, janë marrë masa për shmangien e çdo avarie në zonën e “Ujit të Ftohtë”. Nga ana e kompanisë “Cez Shpërdarja” është ndërprerë energjie elektrike, ndërkohë që policia, dy autoambulanca dhe tre zjarfikëse kanë qëndruar në gadishmëri numër 1, për të zgjidhur çdo situatë të pakëndshme, që mund të krijohej pas shpërthimit të lëndës plasëse. Janë larguar ekspertët e xhenios. Rruga “Aleksandër Moisiu”është bllokuar dhe se në një distancë prej 40 metra është  shtuar fitili, prej nga është bërë shpërthimi i komanduar. Në një perimetër prej 100 metra largësi nga kompleksi “Jon”, janë urdhëruar të largohen të gjithë banorët, me qëllim shmangien e çdo dëmtimi të jetëve njerëzore.

Denoncimi i gazetës
Shkeljet e kryera gjatë ndërtimin të kompleksit “Jon”, u denoncuar për rreth 1 muaj, nga gazeta “Shqiptarja.com”, e cila në një seri shkrimesh të një pas njëshme, tregoi abuzimin që ishte kryer për ndërtimin e këtij pallati.Zanafilla e shkeljeve fillon që në vitin 1996 kur gjykata e Vlorës, i shton sipërfaqen e tokës familjes Ndini, e duke vijuar më pas me blerjes në 2009 të 1663 metra katror tokë nga Xhuvi Sharxhi dhe Xhafer Isufi, vjehrri i Lulzim Bashës. Shkeljet kanë vijuar në bashkinë e Vlorës, që miratoi projektin e ndërtimit të pallatit në një zonë, ku nuk lejohej ndërtimi. Për më tepër, shkelja më e rëndë, është konstatuar se leja e ndërtimit u miratua mbi det, pra duke dalë nga kufizimet e sipërfaqes prej 1663 metrave të blerë.
 
Shkrimi u publikua sot (15.12.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46