POP 5

Lajmet më të lexuara të 5 minutave të fundit

Kronikë

Shembet nga erozioni rruga në Selenicë, 200 banorë drejt izolimit: E rrezikshme, aksi lidh 8 fshatra! Inxhinieri i firmës: S’ka vendim për ndërhyrjen

Rreth 200 banorë në Sevaster të Selenicës rrezikojnë të mbeten në izolim pasi rruga e asfaltuar është dëmtuar për shkak të rrëshqitjes së dherave. Firma mirëmbajtëse nuk ka ende një plan për ndërhyrje

“Reshjet me intensitet kanë shkaktuar probleme në rrugën që lidh fshatin Vajzë, me Ploçën dhe 8 fshatra të tjerë të njësisë administrative Sevaster të Bashkisë së Selenicës. Aktualisht lëvizet ne njërin sens vetëm për mjetet e vogla, nuk lejohet të kalojnë autobusë, furgonë.

Aksi rrugor 15 kilometra, Kote-Sevaster, ka pësuar dëme si pasojë e rrëshqitjes së tokës.

Ajo u shërben 200 banorëve të 8 fshatrave por është dhe rrugë turistike pasi lidh Vlorën me qytetin antik të Amantias.

“Shumë e rrezikshme, ka shkarë gjysma dhe rrezikon gjysma tjetër. Ka pasur raste më të vogla, por jo me këto përmasa”.- tha një banor.

“Kjo është më e rrezikshmja nuk shkon dot në qytetin antik të  Amantias. Sot është dita e dytë, shkarja ka ndodh dje. Kjo rrugë lidh 8 fshatra. Po rrezikon edhe matanë urës”.

“Shkau nga ujë dhe nga dheu që u hodh kur u bë rruga. Rreth 200 banorë. Përdoret ccdo gjysmë ore kalon një makinë”.

Inxhinieri i firmës mirëmbajtëse “Curri” shpk tha se aktualisht është vendosur sinjalistika, por ende nuk ka një plan për ndërhyrjen në trasenë e rrugës.

“Ka filluar dje rreth orës 10:30 shkarja, ka ardhur prej ujërave, shirave rreth një javë. Dëmtimi rreth 56-60 metra linear. Kemi bërë që dje sinjalistikën mundësuam kalimin me një sens. Se di çfarë do bëjmë më tej me pilotë apo mur mbajtës, kemi njoftuar ARRSH-në”. - tha Sokol Lulo, inxhinier.

Ky aks rrugor është ndërtuar 10 vite më parë nga Fondi Shqiptar i Zhvillimit.

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46