‘Shëndetësia falas, mashtrimi më i madh i Ramës’, Vokshi: Shqiptarët paguajnë më shumë se mesatarja e Bashkimit Evropian

Deputetja e zgjedhur e Partisë Demokratike, Albana Vokshi pasditen e kësaj të shtune ka ngritur akuza kundrejt kryeministrit Edi Rama, duke e konsideruar një mashtrim premtimin e tij për shëndetësinë falas.

Ajo shprehet se është pikërisht ky i fundit përgjegjës për faktin që shqiptarët paguajnë 34 herë më shumë për shëndetin se mesatarja e Bashkimit Evropian.

Përmes një kontrasti, deputetja e zgjedhur e PD, ngre një pyetje “A mund të jetë ‘shëndetësia falas’ më e shtrenjta në Evropë?”, së cilës i jep edhe një përgjigje “Patjetër që jo!”.

E revoltuar përmes rreshtave, Vokshi thotë se shqiptarët kanë provuar në xhepat e tyre dështimin e reformës dhe se gjatë pandemisë, kjo situatë është bërë edhe më e theksuar.

Edhe përse kanë kaluar 4 muaj kanë zgjedhjet parlamentare, deputetja e PD, e përdor si pikë referimi duke thënë se partia e saj është e vendosur në luftën për kthimin e demokracisë, duke shtuar se ky është një parakusht për një qeveri që punon në interes të familjeve shqiptare dhe jo të një pakice të babëziturish.

J.GJ./B.K./Shqiptarja.com

TAG:
• edi rama
• Albana Vokshi
• shendetesia