Shëndetësia, Manastirliu: Infermierët
do të punësohen përmes portalit

Ministrja e Shëndetësisë dhe Mbrojtjes Sociale Ogerta Manastirliu deklaroi sot në Kuvend se infermierët do të punësohen përmes portalit.
 
“Infermierët do të punësohen përmes portalit ‘Infermier për Shqipërinë’ tha ajo, ashtu si portali për mësuesit në Ministrinë e Arsimit.

Manastirliu theksoi se deri në vitin 2021 do të ndërtohen 8 struktura të reja shëndetësore në të gjithë vendin.

“Do të riorganizohet struktura e administrimit të shërbimeve sipas rajoneve si dhe do të rriten investimet në infrastrukturë.
 
Përmirësimi i shërbimeve në shëndetësi dhe mbrojtja sociale do të jenë politikat e ministrisë” deklaroi ajo.
 
Përsa i përket ndihmës sociale, ministrja e re theksoi se ka objektiv që të rrisë pagesën.

dy.b/shqiptarja.com