Receta

Shëndetlie tradicionale me arra, shije speciale nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 28 Nëntor, 11:23 | Përditesimi: 28 Nëntor, 11:25

Shëndetlie tradicionale me arra

Përbërësit:

3 gota miell
1 gotë sheqer
2 lgj mjaltë
3 kokrra vezë
2 fk arra
1 lç sodë buke
1 fç gjalpë
3 fk ujë
1 lgj kakao
1 bustinë vanilje

Për sherbetin:

LEXO EDHE:
Bakllava me kadaif dhe arra nga zonja Albana

3 gota sheqer
2 e ½ gota ujë
1 limon

Përgatitja:

Në një enë përziejmë vezët me sheqerin, mjaltin, gjalpin, ujin dhe në fund arrat, sodën e bukës, miellin dhe kakaon. E punojmë mirë brumin dhe e vendosim në një tavë të lyer me pak gjalpë. E nivelojmë mirë me dorë dhe më pas e lyejmë me një të verdhë veze. Me majën e një piruni shpojmë shëndetlien vende-vende dhe e vendosim të piqet në furrë të parangrohur për 30 minuta. Pasi ëmbëlsira është pjekur e ndajmë në rombe mesatare dhe e sherbetosim.