POP 5

Lajmet më të lexuara të 5 minutave të fundit

Politikë

Shengeni Ballkanik, Rexhep Qosja-Ramës dhe Kurtit: Bashkëpunoni në të mirë të Shqipërisë dhe Kosovës së bashkuar

Shkrimtari edhe publicisti Rexhep Qosja ishte i pranishëm në Tiranë për të promovuar librin “Dëshmitar në kohë historike”. Gjatë këtij takimi Qosja flet edhe për Minishengenin Ballkanik, Bashkimin Europian edhe Ramën e Kurtin

A duhet të ketë një Shengen Ballkanik? Projekti i prezantuar nga kryeministri i vendit tonë, Edi Rama, që brenda vitit 2021 duhet të realizohet një Shengen Ballkanik, pasi në këtë mënyrë jo vetëm rikrijohet një Shengen në Europë, por edhe mundësohet lëvizja e lirë dhe integrimi i shpejt i qytetarëve, kësaj here është komentuar  nga Panairi i Librit në Tiranë edhe nga akademiku dhe shkrimtari Rexhep Qosja.

“A e dini ju se  çfarë është ai minishengen?  Çfarë premton ai minishengen?  Çfarë premton ai minishengen? Cilat janë premtimet e atij minishengeni edhe cilat janë të mirat, pengesat edhe të këqijat e atij. Nuk e di numri më i madh. Ta presim, le të shohim pak. Unë di një gjë. Me minishengen apo pa Minishengen këto vende të Ballkanit Perëndimor janë vetëm disa, ndërsa Ballkani është më i gjerë. Ekziston me shekuj. Ka qenë tërësi me shekuj e Europës. Ka qenë një kohë pjesë e Perandorisë Otomane. Tashmë është Ballkani prej të cilit u krijua Ballkani Perëndimor, që nuk ka ekzistuar me këtë termë dikur pjesë e Europës. Do të bëhet pjesë e Bashkimit Europian. Minishengen apo pa Minishengen Ballkani Perëndimor do të jetë pjesë e BE-së. BE është një bashkim me shumë vlera, me shumë premtime. Një premtim madhështor për Europën e paqes, e bashkëpunimit edhe multikulturor, Evropën e popujve me identitete të ndryshme që janë në harmoni, një bashkim me premtim krejt planetin. Një premtim për paqe, bashkëpunim në krejt planetin”, tha Qosja.

Por ky Shengen Ballkanik a mund të realizohet pa prezencën e Kosovës? Qosja argumenton, se Rama kurrsesi nuk mund ta ndryshojë atë që ka thënë në Serbi për Pavarësinë e Kosovës.

“Edi Rama ka thënë në Beograd diçka që se ka thënë asnjë politikan shqiptar para tij. Diçka për Pavarësinë e Kosovës. Atë që ka thënë ai nuk e ndryshon kurrë, por e mbron”, thotë akademiku.

Qosja i bën apel kryeministrit të Shqipërisë Edi Rama dhe atij të Kosovës, Albin Kurti, që të kenë më shumë bashkëpunim mes tyre,për një Shqipëri edhe Kosovë të bashkuar

“Unë do të dëshiroja që politikanët e sotëm të Kosovës, që kanë sjellë ndryshime, Albin Kurti që fitoi me ndryshimet që ka në program edhe Edi Rama që ndryshon nga modelet e politikanëve, të kenë një bashkëpunim më të dëshmuar në paraqitjet, mendimet edhe bashkëpunimet e tyre. Ai bashkëpunim, marrëveshje dhe mirëkuptim i tyre do të jetë në të mirë të Shqipërisë edhe të Kosovës, në të mirën e të gjithë Shqiptarëve, në të mirën e Shqipërisë së përbërë prej Shqipërisë edhe Kosovës së bashkuar”, përfundon Qosja.  

Rexhep Qosja ishte i pranishëm në Tiranë për të promovuar vëllimin e tetë të librin “Dëshmitar në kohë historike”.

 

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ETHEM LALAJ: 15/11/2019 19:58

    REXHEP QOSE THOT.."EDI RAMA NDRYSHON NGA MODELET E TJERE TE POLITIKANEVE NE SHQIPERI E KOSOVE.." KJO PERFORCON MENDIMIN E THENE ME PAR PREJ TIJ SE.."E.RAMA ESHTE KM ME I MIRE NE 30 VITE.." R.Q NUK ESHTE KUNDER SHENGENIT B..POR DUHET NJE DEKUMENT PER ANET POZITIVE E NEGATIVE..

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça