'Shënime video'/ Artisti Driant Zeneli ‘rizbulon’ shkencëtaren e parë shqiptare përmes një filmi

Një sekuencë e udhëtimit metaforik të jetës së një peshku është pjesë e filmit “Këto ujëra të ëmbla të turbullta”. Artisti Driant Zeneli ia dedikon fabulën e këtij video-arti shkencëtares së parë shqiptare, Sabiha Kasimatit.

Projekti u prezantua këtë javë në qendrën e artit “Agimi” duke shënuar takimin e katërt të ciklit “Shënime video”, në një bisedë të drejtuar nga kuratori Stefano Romano. Ideja e Zenelit, për të nxjerrë në pah sakrificat e Kasimatit për dijen dhe të drejtën lind 4 vjet më parë. Ai nis të hulumtojë në arkiva, mbi atë që mund të gjente nga vepra e saj.

Sabihaja u ekzekutua në ’51-shin bashkë me 21 intelektualë të tjerë me akuzën se kishin hedhur bombën në Ambasadën Sovjetike. ‘Paskuintat’ e punës që Zeneli rrëfen në këtë takim e sjellin më të plotë figurën e saj.

‘Ajo ishte peshku i vetëm i llojit të saj’, që në kohën kur studionte në Liceun Frëng si e vetmja nxënëse vajzë.

Siç thekson artisti, mund të kishte zgjedhur të fluturonte në Universitetin e Torinos ku u diplomua, por zgjodhi ujërat e liqenit, që diktatura do t’i turbullonte.

Edhe në film, artisti vë theksin tek rëndësia e kujtesës, që figura e Kasimatit të gjejë vendin e duhur në vendin tonë. Figurën e Sabihasë, Driant Zeneli e ka prezantuar edhe në rajonin e Puljas një vit më parë përmes një projekti ku përfshiu dhe të rinjtë. 

B.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë