Receta

Sheqerpare tradicionale nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 26 Nëntor, 11:36 | Përditesimi: 26 Nëntor, 11:37

Sheqerpare

Përbërësit:

250 gr gjalpë
½ gotë sheqer
1 kokërr vezë
2 ½ fç miell
2 lgj miell misri i hollë për ballokume
½ lk kripë
3 lk sodë
½ lç vanilje
Bajame
Për shurupin:
2 gota sheqer
2 gota ujë
1 lç lëng limoni

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Rrahim gjalpin me sheqerin derisa të zbardhet masa. Shtojmë vezët dhe më pas miellin, kripën, vaniljen dhe fryrësin. E punojmë masën si brumin e gurabijeve, duke u kujdesuar që të mos e punojmë shumë që mos të bëhet e ngjeshur. Bëjmë disa topa sferike sa një kokërr arre. I vendosim larg njëra-tjetrës duke i shtuar siper nga një bajame të pastruar nga lëkura. I pjekim në 180 gradë për 45 minuta. Ndërkohë përgatisim shurupin në nxehtësi të ulët, i shtojmë lëngun e limonit dhe në 5 minutëshin e fundit rrisim temperaturën. Sapo sheqerparet të piqen i sherbetosim menjëherë, pasi shurupi duhet të jetë i nxehtë në sheqerpare të nxehta.

MC/Shqiptarja.com

TAG: