POP 5

Lajmet më të lexuara të 5 minutave të fundit

Arkiva

Shërbimi Social jep mbështetje për familjen Gëzdari

TIRANË, 24 Mars /ATSH-Z.Tosku/-Shërbimi Social Shtetëror ka reaguar ndaj shqetësimit të ngritur nga Inspektorati Kombëtar i Mbrojtjes së Territorit, për situatën e familjes Gëzdari, në komunën Farkë, të Tiranës. Ditën e sotme një 26-vjeçar, konkretisht  Muharrem Gëzdari, ka hipur në një pemë të lartë dhe ka kërcënuar hedhjen prej saj nëse IKMT do i prishte […]
Shërbimi Social Shtetëror ka reaguar ndaj shqetësimit të ngritur nga Inspektorati Kombëtar i Mbrojtjes së Territorit, për situatën e familjes Gëzdari, në komunën Farkë, të Tiranës.
Ditën e sotme një 26-vjeçar, konkretisht  Muharrem Gëzdari, ka hipur në një pemë të lartë dhe ka kërcënuar hedhjen prej saj nëse IKMT do i prishte banesën e familjes së tij. Pas 3 orësh ai ka zbritur nga pema, ndërsa  Shërbimi Social Shtetëror ka reaguar pas këtij veprimi.

Përfaqësues të Shërbimit Social Shtetëror, pas verifikimeve të kryera, konstatuan se familja përbëhet nga pesë anëtarë, nga të cilët fëmijët janë të moshës 20-27 vjeç, ku asnjëri prej tyre nuk është i regjistruar pranë zyrës së punës si punëkërkues.

Banesa e familjes Gëzdari është në gjendje të rënduar fizike, e përmbytur disa herë dhe të gjitha orenditë shtëpiake janë dëmtuar dhe bërë të papërdorshme.
Ndërkaq, Shërbimi Social ka marrë vendimin për transferimin e kësaj familjeje në qëndrën tranzitore të emergjencave, regjistrimin e të gjithë personave të familjes që janë të aftë për punë.
Nga ana tjetër, kjo familje do të mund të gëzojë paketa ushqimore për një periudhe 2- mujore, dhe do të mund të transferohen nga komuna Farkë në Tiranë.
Nga ana tjetër, SHSSH bën me dije se në Qendrën Tranzitore të Emergjencave punohet me programe specifike për fuqizimin sa më të shpejtë të familjeve dhe këto shërbime i'u ofruan familjes Gëzdari. Por, të gjitha shërbimet e ofruara nga grupi i punës i Shërbimit Social Shtetëror u refuzuan nga familja Gëzdari./atsh/

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin

27 Nëntor, 22:19