SHKODËR- Tre persona janë plagosur në Shkodër si pasojë e një sherri me thika të ndodhur pranë poliklinikës në qendër të qytetit. Mësohet se rreth orës 12:30 në lagjen ‘Qemal Stafa’, një 18 vjeçar i identifikuar si Aldo Hasa pas një konflikti, ka plagosur me thikë 3 bashkëmoshatarë të tij. Të rinjtë janë dërguar me urgjencë në spital ku po marrin ndihmën e nevojshme mjekësore.
Raportohet se njëri prej të plagosurve është në gjendje më të rëndë shëndetësore si pasojë e plagëve të marra. Sipas burimeve, sherri mes të rinjve ka ndodhur për ngacmime të gocave bashkëmoshatare.
Pas disa orësh në kërkim, Hasa është vetëdorëzuar në polici ku dhe është arrestuar. Ndaj tij, rëndon akuza për veprën penale “Plagosja e rëndë me dashje”.
Arrestohet autori i plagosjes së trefishtë, të ndodhur mesditën e sotme. Në pranga ka rënë Aldo Hasani.
"Menjëherë pas ngjarjes së ndodhur mesditën e sotme, në lagjen “Qemal Stafa”, Shkodër, ku shtetasi A. H., pas një konflikti për motive të dobëta, plagosi me thikë tre bashkëmoshatarët e tij dhe u largua, shërbimet e Komisaritait të Policisë Shkodër, në bashkëpunim me Forcën e Posaçme Shqiponja të DVP Shkodër, janë vënë në ndjekje të autorit dhe kanë ushtruar kontrolle të shumta në ambiente të ndryshme, në akse rrugore dhe në lagjet e qytetit të Shkodrës.
Për shkak të presionit të Policisë dhe falë negociatave me familjarët e shtetasit A. H., u bë e mundur që rreth orës 20:00, ky shtetas të vetëdorëzohej në Komisariatin e Policisë Shkodër, për veprime të mëtejshme proceduriale.
Shtetasi A. H. plagosi me mjet prerës thikë, bashkëmoshatarët e tij, shtetasit K. H., E. T. dhe Xh. P. Shtetasi Xh. P. ndodhet në spital, në kujdesin e mjekëve, ndërsa dy shtetasit e tjerë, pas ndihmës mjekësore, janë larguar në banesë. Materialet proceduriale do t’i kalojnë Prokurorisë, për veprën penale “Plagosja e rëndë me dashje", njofton Policia.
Detaje të reja janë mësuar nga sherri me thika i ndodhur mesditën e sotme brenda një lokali në Shkodër. Sipas njoftimit të policisë, një 18 vjeçar i identifikuar si A.H ka plagosur me thikë 3 bashkëmoshatarët e tij dhe është larguar nga vendngjarja. Policia është vënë në ndjekje të tij.
Komente
Lajme të tjera
-
Ikën stuhia, Shkodra përfshihet nga dëbora, të gjitha rrugët të kalueshme (VIDEO)
23 Nëntor, 11:55 -
Moti i keq në Shkodër, prurje masive ujërash në tunelin e Gjegjanit! Policia dhe nënkontraktori në terren me 2 fadroma
22 Nëntor, 19:26 -
Moti i keq/ Fshatrat e Shkodrës pa energji elektrike
22 Nëntor, 18:21 -
Vllaznia pret Teutën, Thomas Brdaric: Durrsakët me përgatitjen më të mirë fizike në kampionat, kemi mungesa
22 Nëntor, 13:44 -
Atentati në Shkodër/ Zbardhet dëshmia e policëve: S’e njohëm personin e 3 nëse ishte Ibrahim Lici! Gjykata i liron nga qelia, pezullohen nga detyra
22 Nëntor, 13:11 -
Moti i keq/ Disa fshatra në Vaun e Dejës pa energji elektrike! Rrëshqitje dherash në rrugët e Fushë-Arrëzit
22 Nëntor, 12:28 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Qyteti i Pukës mbetet pa spital, era e fortë rrëzon çatinë! Rrëshqitje dherash në Fushë-Arrëz, tre banesa rrezikojnë të shemben
21 Nëntor, 16:33 -
Studimi në Shkodër: Afro 20 për qind e nxënësve bullizohen në shkollë! Shqetësim dhe mungesa e oficerëve të sigurisë
21 Nëntor, 16:16
-
Shkodër-Mali i Zi, sekuestrohen mbi 2 mln euro cash brenda katër ditëve, dyshohet se vijnë nga aktivitetet e paligjshme! 3 persona në pranga (RASTET)
21 Nëntor, 15:17 -
Moti i keq/ Borë në Theth e Vermosh, borëpastrueset në terren! Akset të kalueshme (VIDEO)
21 Nëntor, 09:45 -
E akuzoi se e emëruan bandat, ish-drejtori i Policisë së Shkodrës padit Gazment Bardhin për shpifje
21 Nëntor, 09:32
Shkodra eshte bere si Medelin! Gjysma e te rinjve qe verdallosen ne qytet presin rastin te mbjellin kanabis dhe gjysma tjeter t`a trafikojne e t`a shesin bashkemoshatareve te tyre. Policia nuk patrullon neper shkolla ku nxenesit e klases se 9-te dhe gjimnazit jane te armatosur me thika, pistoleta shkopinj e doreza hekuri (pjesa me e madhe per t`u vetembrojtur!!) Jane dhjetra OJF e institucione shteterore dhe askush nuk e ka mendjen tek kriminaliteti qe i ka perfshire te rinjte, te cilet duke u udhehequr nga modeli i keq qe prezantohet papushim ne mediat e rrjetet shqip[tare, perpiqen ti kopjojne ne menyren me te keqe te mundshme. Nuk shpresoj qe keta aktore te bejne ndonje perpjekje ne kete drejtim por kam shprese se komuniteti shkodran do t`i therrase ndonje dite mendjes sa nuk eshte vone. Turp per policine e bashkine qe kullosin bar dhe nuk parandalojne krimet ne mes te qytetit!!
Përgjigju