Kamëz- Një konflikt me sende të forta ndodhi mes dy shoferësh paraditen e kësaj të hëne në Kamëz, për motive të dobëta.

Të rinjtë kanë goditur njëri-tjetrin me shkopinj, ndërsa njëri prej tyre, Redi Vata, 38 vjeç, ka pësuar dëme më të rënda dhe po merr mjekim në Spitalin e Traumës. Shoferi tjetër, i cili tashmë raportohet të jetë identifikuar, u shpall në kërkim.

Ai u largua nga vendi i ngjarjes në rrugën “OSBE” me makinën e tij “Mercedes Benz ML”, ndërsa po gjurmohet nga policia.

Në vendin e ngjarjes u gjet një gëzhojë plumbi, e cila akoma mbetet e paqartë nga kush është qëlluar. Makina e Redi Vatës, e cila ngeli në vendngjarje, u dëmtua gjithashtu nga goditja me shkopinj.

38-vjeçari nuk ka dhënë detaje për hetuesit, ndërsa nuk përjashtohet mundësia e ndonjë konflikti që të dy të kenë pasur më herët.

Xh.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera