Sherri i 2 mësueseve që morën fiset përkatëse dhe shokuan opinionin publik duket se ka nisur prej thashethemeve. Report Tv ka siguruar detaje nga dosje hetimore. Në dosje janë dëshmitë e të dyja mësueseve.
Mësuesja Elida Qenami ka deklaruar se rastësisht e ka marrë vesh që kishte njerëzit e saj që po ziheshin në oborrin e shkollës. Në lidhje me arsyen e konflikut Qenami thotë se një javë më parë e ka ndaluar kolegia Domenika Toptani duke i thënë: "Pse më beni shenja pas krahëve të mi". Aty filloi një debat verbal për arsye banale me këtë, me ofendime. Sipas Qenamit kolegia i ka përmendur bashkejetesën e saj dhe divorcin.
Një javë më pas pasi disa përpjekjesh për të shuar sherrin janë takuar ditën e ngjarjes në lokal për tu sqaruar por që gjërat më pas kanë precipituar. Qenami tregon se sipas saj është kërcënuar nga djali i Domenikës, Alvaro Toptani me fjalët "Ke bërë gabimin më të madh të jetës tënde, do të të q.... ropt, do të vrasim etj":
Ndërkohë që mësuesja tjetër Domenika Toptani ka deklaruar se është thirrur nga Elida dhe ajo i ka thënë se "hajde pak merru vesh me kta cubat e mi, e shikon me çfarë jam në tavolinë". Më pas sipas Totanit ata e kanë kërcënuar me fjalët se "ju varim, ju zhdukim si familje, nuk pyesim për djalin tënd se është i vetëm, nuk na njeh neve jam shef policie", etj.
Domenika pretendon se është goditur me grushte nga një person që iu prezantua si shef policie. Për këtë çështje është arrestuar në flagrancë për kryerjen e vepres penale të "prodhim dhe mbajtje pa leje e armëve luftarake dhe municionit, plagosje e lehte kryer në bashkëpunim, prishje e qetësisë publike", kanosje " te parashikuar nga nenet 278,89-25, 274 dhe 84 te Kodit Penal, Edmond Faja, i cili në bashkëpunim me Enrik Qenamin, Ndriçim Qefalija dhe Laert Duro jane perfshire ne nje konflikt për motive të dobëta me sende të forta me shtetasit Enea Kovaci, Elton Kasaj, Alvaro Toptani, Domenika Hasan Toptani, Elida Kujtim Qenami. Faja ka qëlluar në ajër me armë zjarri pistoletë. Të gjithë të tjerët po hetohen në gjendje të lirë.
Në cilësinë e provës materiale janë sekuestruar 1 pistoletë Model 54 te kalibrit 7.62min dhe një pistoletë tjetër të cilën Ndriçim Qefalija dyshohet se e ka hedhur midis shkurreve dhe murit të shkollës. Dyshohet të jetë arma e shërbimit të Qefalijas.
Për konfliktin që përfundoi me përdorimin e armës u arrestua Edmond Faja, 39 vjeç, kurse Ministria e Arsimit pezulloi nga detyra mësueset, Domenika Toptani dhe Elida Qenami.
Në hetim në gjendje të lirë janë Elton Kasaj dhe Enrik Qenami, të afërm të mësueses së letërsisë, Elida Qenami dhe Enea Kovaçi, Ndriçim Qefalija, Laert Duro, dhe është shpallur në kërkim Alvaro Toptani, të afërm të mësueses së historisë, Domenika Toptani. Shkak për sherrin, sipas policisë, është bërë një tavolinë në lokalin ku ishin ulur. Roja e shkollës ishte dëshmitarë në vendin e ngjarjes.
Sherri i mësueseve te shkolla 'Çajupi' në Tiranë, Report Tv siguron detaje nga dosja hetimore! Gjithçka nisi me 'pse më shan prapa krahëve' dhe shkoi te armët e zjarrit
Komente
Lajme të tjera
-
Sherri me karrige mes mësueseve te shkolla 'Çajupi' në Tiranë, ku u përdor edhe arma, jep dorëheqjen drejtoresha
18 Tetor, 18:54 -
Itali, firmoset marrëveshja mes Universitetit të Mjekësisë Tiranë dhe Universitetit të Bolonjës për diplomat e dyfishta të doktoraturës
18 Tetor, 14:06 -
Sherri i mësueseve tek Çajupi, ministrja e Arsimit viziton gjimnazin: Këtu kanë spikatur talente, diskutuam si të garantojmë mbarëvajtje në proceset e shkollës
16 Tetor, 09:53 -
Astir/ Djali i vë flakën shtëpisë, momenti kur i rri zjarrit ngjitur në ballkon! Nëna doli, por u kthye ta shpëtojë! Hidhen nga kati III, 62-vjeçarja vdes në spital
16 Tetor, 08:06 -
Qendra rezidenciale në Tiranë ilustrim në librin e historisë si model i fshatit në Shqipëri, shkaktohet zemërim në rrjet! Ministria e Arsimit: Po e verifikojmë
15 Tetor, 20:10 -
Merr flakë kabina elektrike te spitali Shefqet Ndroqi, zjarri nuk prek godinën, situata nën kontroll
15 Tetor, 11:54
Marshalla nga kush edukohet Brezi I ri. Jan pezulluar thot mesueset.te shkarkohen e ndalohen te japin mesim per ter jeten.vetem me edukatorët skan lidhje keto te dyja
Përgjigju