POP 5

Lajmet më të lexuara të 5 minutave të fundit

Politikë

Sherri në Kuvend, ndëshkohen me
paralajmërim 4 deputetët, s'ka gjobë

Kryetari i Kuvendit Ilir Meta ka firmosur dokumentin e parë ndëshkues për deputetët “sherrxhinj”. Sherri i 5 deputetëve në ambientet e kryesisë së Kuvendit duket se ka kaluar vetëm me paralajmërim, duke e treguar Metën më tolerant nga paraardhësja e tij Jozefina Topalli. Sherr deputetësh, Prenga godet me rrip Strazimirin për Qefalinë Stazimiri: Situata, nuk isha i papërgatitur jam provokuar më parë Prenga për “A1 Report”: Akuzat politike, do t’i çoj në gjykatë Qefalia: S’kam patur dhe as nuk kam asnjë konflikt me Strazimirin
Sherri në Kuvend, ndëshkohen me<br />paralajmërim 4 deputetët, s'ka gjobë
TIRANE- Kryetari i Kuvendit Ilir Meta ka firmosur dokumentin e parë ndëshkues për deputetët “sherrxhinj”. Sherri i 5 deputetëve në ambientet e kryesisë së Kuvendit duket se ka kaluar vetëm me paralajmërim, duke e treguar Metën më tolerant nga paraardhësja e tij Jozefina Topalli. Gjithsesi ndëshkimi është dhënë për të katërt parlamentarët, tre të PS dhe një të PD duke mos u nxituar të bëjë askënd fajtor.  

Vendimi
“Byroja e Kuvendit vendosi masën vërejtje për deputetët e përfshirë në incidentin e ndodhur në mjediset e Kryesisë së Kuvendit”, thuhet në njoftimin për mediat. Ndërsa shtohet se Byroja e Kuvendit vendosi masën vërejtje për deputetët Armando Prenga, Gentian Bejko, Xhemal Qefalia dhe Gent Strazimiri. “Kryetari i Kuvendit ftoi të gjithë deputetët që të distancohen nga akte të tilla duke kërkuar vetëpërmbajtje dhe të ruajnë etikën në ushtrimin e funksionit të tyre”, thuhet në deklaratën e dhënë për mediat. Në fakt incidenti i nisur nga Komisioni i Ligjeve ka përfunduar në një ndeshje grushtesh mes deputetëve, e cila u transferua më pas edhe në një garë deklarimesh dhe replikash publike.

Gjobitjet
Në mandatin e shkuar katër vjeçarë deputetët Sajmir Tahiri dhe Taulant Balla kanë qenë nga më të ndëshkuarit për gjoba.  Ndërsa më e fundit ka qenë pak muaj nga mbarimi i mandatit përfundimtar. “Byroja e Kuvendit nën drejtimin e Kryetares se Kuvendit, në mbledhjen e datës 15.04.2013, mori në shqyrtim veprimet e dhunshme të deputeteve Gazmir Bizhga, Ndrec Deda, Arben Çuko dhe Sajmir Tahiri. Këta deputetë me veprime të dhunshme tentuan të pengonin deputetët që të ushtronin funksionin e tyre kushtetues për të votuar çështjet e rendit të ditës.  Deputetët e mësipërm ju morën kartat e votimit, tre deputetëve”, thuhej në vendim e atëhershëm të Topallit.


Shkrimi u botua në Shqiptarja.com (print) në 29 maj 2014
(d.a/shqiptarja.com) 
 

  • Sondazhi i ditës:

    A e zgjidh problemin me shqiptarët në Britani vizita e Ramës në Londër?

Lajme të tjera



×

Lajmi i fundit

FOTOT e rralla të çifteve që u martuan në një ditë me Zogun

FOTOT e rralla të çifteve që u martuan në një ditë me Zogun

24 Mars, 22:08