Ambasadori i Austrisë në Shqipëri, Johann Sattler ka reaguar pas protestës së djeshme të opozitës duke e quajtur atë një shfaqje të shëmtuar. Ai tha se Shqipëria del në lajmet e mediave austriake 3-5 herë në vit dhe një prej tyre pati temë kryesore dhunën.

“Shqipëria del në lajmet e mbrëmjes austriake 3-5 herë në vit. Dje ishte një rast i tillë, për fat të keq, me temë kryesore dhunën. Ishte një shfaqje e madhe e forcës së qytetarëve të angazhuar  deri sa nisën të hidhnin gurë. Mundësi e humbur. Me që ra fjala, një sjellje kjo jo unike për opozitën aktuale”, tha Johann Sattler.

Pas deklaratës së Sattler, ka ardhur dhe reagimi i drejtorit të komunikimit në kryeministri, Endri Fuga i cili i është drejtuar ambasadorit austriak me një replikë lidhur me komentin e tij mbi imazhin e Shqipërisë. Fuga thotë se Shqipëria është ndryshe nga ajo që i pa dje në protestë. Ai gjithashtu theksoi se duhet të duartrokitet policia për sjelljen profesionale përballë sulmeve të protestuesve.

 “Unë mendoj se ne duhet të duartrokasim policinë për sjelljen e tyre jashtëzakonisht profesionale. Asnjë përplasje e vetme midis forcave të policisë dhe protestuesve, edhe pse gurë dhe flakë u hodhën disa herë drejt ndërtesës qeveritare. Por Shqipëria është ndryshe dhe nuk është ajo që pamë dje”, përfundoi Fuga.

Replika e Fugës me ambasadorin austriak