X

POP 5

Lajmet më të lexuara të 5 minutave të fundit

Kronikë

Shfrytëzonte për prostitucion bashkëshorten, arrestohet i riu në Tiranë! Në pranga edhe një 70-vjeçar, gjente klientët dhe vinte në dispozicion shtëpinë e tij

Në pranga kanë rënë 26-vjeçari me inicialet  V. Gj., ndërsa e reja që shfrytëzonte për prostitucion ishte bashkëshortja e tij, si dhe një 70-vjeçar me inicialet P. O.. Ky i fundit gjente klientë e po ashtu vinte në dispozicion banesën e tij për ushtrimin e prostitucionit.

Përveç dhunës ndaj bashkëshortes së tij 27-vjeçare, Vilson Gjata e shfrytëzonte atë edhe për përfitime të tjera të paligjshme, për prostitucion. Bashkëshortja e tij u detyrua që për një kohë të gjatë të prostituonte, ndërsa fitimet nga aktiviteti ndaheshin mes bashkëshortit të saj dhe një tjetër personi. 26-vjeçari krijoi një skemë të mirëmenduar për shfrytëzimin e të resë, ndërsa në të u përfshi edhe Petrit Osmanllari, 70 vjeç.

I moshuari i kishte vënë në dispozicion ambientet e banesës së tij për aktivitetin si dhe siguronte klientët për zhvillimin e prostitucionit. Policia ka arrestuar Vilson Gjatën dhe Petrit Osmanllarin, pas hetimeve që kanë zgjatur për disa muaj, deri në dokumentimin e plotë të aktivitetit kriminal.

Përmes provave të dokumentuara u zhvillua operacioni “Exploitation”, ndërsa të dy akuzohen për shfrytëzim prostitucioni, plagosja të lehtë me dashje dhe dhuna në familje. Policia ka dyshime se pjesë e kësaj skeme janë edhe persona të tjerë, për të cilët po punohet për identifikim dhe verifikim të plotë. Materialet tashmë janë në duartë e organit të akuzës, i cili do të vijoj me tej me veprimet hetimore.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 20/12/2021 02:04

    Ku ka perfunduar shoqeria shqiptare?!Nje burre qe rreh dhe prostituon gruan.Nje grua qe pranon te keqtrajtohet e te shese trupin ne heshtje,pa asnje reagim,pa kerkuar ndihme;ne mes hyn dhe nje plak maskara 70 vjec,qe nuk dihet c'lidhje ka me ciftin,por qe ofron banesen e tij si /shtepi publike/ dhe gjen dhe klientele.Bete shume mire qe ua dhate emrat e plote maskarenjve,t'i njohin te gjithe,por do ishte mire te hetonit te kaluaren e atij cjapit plak.I bie qe kur filloi demokracia te kete qene rreth te 40-ve.Kushedi c'ka bere qe atehere,ndoshta dhe me pare!Tipa te tille nuk behen te poshter brenda nates.

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Itali/ Bie nga 10 metra lartësi në Milano, 18-vjeçari shqiptar në gjendje shumë të rëndë shëndetësore

Itali/ Bie nga 10 metra lartësi në Milano, 18-vjeçari shqiptar në gjendje shumë të rëndë shëndetësore

26 Prill, 20:02