Kronikë

Shi dhe shtrëngata, përgatituni për një fundjavë dimërore

Kjo fundjavë do të dnryshojë krejtësisht përsa u përket kushteve meteorologjike. Pasditen e sotme do të fillojnë të ulen temperaturat dhe e nesërmja do të jetë një ditë dimri i vërtetë.

Foto ilustruese

Redaksia 6 Tetor 2018, 15:31 | Përditesimi: 6 Tetor 2018, 22:57

Jemi në fillim të muajit tetor dhe të themi të drjetën nuk e kemi ndjerë ende hyrjen e stinës së vjeshtës dhe me këtë mot duket sikur dimri nuk kishte ndërmend të vinte. Por koha e bukur me diell kaq ishte, pasi pasditen e sotme do të ndryshojë gjithçka.

Pas javëve të fundit me temperatura të larta e të pazakonta për stinën, vendi ynë do të përfshihet nga një ulje temperaturash dhe shtrëngata shiu. Sipas Institutit të Energjisë, Ujit dhe Mjedisit, në qarqet Durrës, Dibër dhe Tiranë pritet të ketë reshje të konsiderueshme shiu, duke filluar nga mbrëmja e kësaj të shtune e për të vijuar të dielën.

Në disa zona malore, sipas IGJEUM, nuk përjashtohet mundësia që të ketë reshje në formë shtrëngate me kohëzgjatje të shkurtër. Temperaturat nesër (e diel) pritet të arrijnë: Në bregdet: 17 / 24 °C, në vendet e ulëta: 16 / 26 °C dhe në vendet malore 10 / 21 °C. Kështu që mos harroni të merrni çadrat me vete dhe vishuni mirë pasi mund të sëmureni.