OSHEE ka mbyllur ankandet për blerjen e energjisë elektrike nga jashtë për këtë vit dhe aktualisht po furnizohet për sasitë e nevojshme nga KESH. Shifrat e blerjeve janë në vlera rekord, sipas të dhënave zyrtare nga OSHEE, janë importuar mbi 1 milionë megavat energji elektrike nga janari në dhjetor 2021.
Si pasojë e krizës energjetike që erdhi si pasojë e prodhimit të ulët botëror dhe kërkesës së lartë, Shqipëria ka shpenzuar mbi 2 fish më shumë se vitin e kaluar. Konkretisht nga janari në dhjetor janë shpenzuar 228.7 milionë euro, nga rreth 85 milionë euro që ishte vlera e importit një vit më parë.
Vlerat më të larta të importit të energjisë elektrike janë regjistruar nga muaji shtator e në vijim, kur nisi të japë efektet kriza energjetike. Në shtator OSHEE importoi 44 milionë euro energji elektrike, ndërsa në tetor kur çmimet për megavat ishin stratosferike me mbi 300 euro për megavat, u importuan 68 milionë euro.
Sipas informacioneve, çmimi mesatar për megavat përgjatë gjithë vitit ishte 206 euro, ndërkohë që në fillim të vitit çmimet në bursën ndërkombëtare luhateshin në vlerat 60-70 euro për megavat.
Kriza globale energjetike pritet të kulmojë vitin që vjen, për këtë arsye deri në 15 prill të 2022 vendi është nën emergjencën e furnizimit me energji elektrike. Për të përballuar këtë situatë në buxhetin e ri janë përcaktuar 8 miliardë lekë për të blerë energji. Po ashtu qeveria është zotuar për të mbrojtur nga shtrenjtimi i mundshëm i çmimit bizneset e vogla dhe familjet.
Lajme të tjera
-
SHBA i kërkon Europës t'i japë fund varësisë energjetike nga Rusia
18 Dhjetor, 19:41 -
PD: Të zgjerohet falja e gjobave, paratë mbrapsht kujt pagoi! Fshini detyrimet për ujë e drita dhe gjobat e policisë
18 Dhjetor, 10:51 -
Bardhi denoncon zv/kryeministren: Vetëm me firmën e Ballukut ndodhin vjedhje dhe skandale të tilla, çfarë duhet më shumë për të mbajtur përgjegjësi?!
15 Dhjetor, 19:13 -
OSHEE padit për shpifje Gazment Bardhin, çështja në GJKKO! Seanca mbyllet pa ‘pajtim’
5 Dhjetor, 14:12
-
Financim nga shteti për familjet që instalojnë sistemet e ngrohjes dhe ftohjes në banesa! Miratohen 4 skema për panelet, pompat, kaldajat e ngrohjen qendrore
28 Nëntor, 17:37
-
Moti i keq në Pukë, rrebeshi lë shumë zona pa energji dhe kabuj të tensionit të këputur në rrugë! OSHEE në terren për të riparuar defektet, këshillohen udhëtarë dhe banorë (VIDEO)
20 Nëntor, 22:24 -
Skandali me shit-blerjen e energjisë elektrike, Bardhi: Shqipëria e paguan me 11,1 euro, Kosova me 7,4 euro! Abuzime kriminale, Balluku përgjegjëse, SPAK të hetojë
15 Nëntor, 17:40 -
1.5 milionë euro import në ditë, Kosova në krizë për energji ende pa hyrë në dimër
14 Nëntor, 19:00 -
PD akuza ndaj qeverisë: Keni çuar në kolaps sektorin energjetik
13 Nëntor, 16:34 -
Fatos Çoçoli: Sa fitojmë nga ulja e çmimit të energjisë?
8 Nëntor, 09:03
-
Gjirokastër/ I lidhën në mënyrë të paligjshme sahatin e energjisë një biznesi, procedohen penalisht 2 punonjësit e OSHEE-së!
7 Nëntor, 14:12 -
Qeveria: Në 1 janar 2025 do të ulim çmimin e energjisë elektrike për qytetarët
5 Nëntor, 14:33
