Durres- Një debat familjar për pak sa nuk ka përfunduar në tragjedi dje (18 janar 2024) në fshatin Rubjekë të Maminasit. Me një sëpatë e thikë në duar Eduard Hoxha 35 vjeç ka kërcënuar të atin se do ta vriste. Për të parandaluar ngjarjen, pranë banesës së familjes Hoxha mbërriti policia e Durrësi, por pa mundur ta arrestojë. Uniformat blu bëjnë të ditur se 35-vjeçari u mbyll në banesë bashkë me mjetet prerëse.
Policisë iu bashkuan forcat RENEA, të cilave iu deshën disa orë negociata, e sërish nuk e bindën të dalë nga banesa. Në këto kushte, ato ndërhynë me forcë, duke neutralizuar e arrestuar Eduard Hoxhën. Burime nga policia e Durrësit bëjnë të ditur se 35-vjeçari nuk rezulton me probleme të mëparshme, e as konsumues lëndësh narkotike.
Nisur nga reagimet e tij përballë bluve e RENEA-s, dyshimet janë se djali mund të ketë kaluar në gjendje depresive, ndaj do t’i nënshtrohet një vizite te mjeku psikiatër thonë në policinë e Durrësit.
Të njëjtës pistë i qëndron edhe babai Bajram Hoxha i cili thotë se gjendja e të birit u përkeqësua pas humbjes së nënës. Report Tv mëson se sherri ka nisur pasi i ati i kishte kërkuar llogari se pse nuk punonte, duke precipituar më pas deri në kanosje.
Forcat RENEA ndërhynë për të parandaluar një krim në familje, fshatin Rubjek, Maminas në Durrës. Një 35 vjeçar, pasi ushtroi dhunë ndaj të atit e kërcënonte se do ta vriste me sëpatë.
Pas arrestimit babai i 35 vjeçarit i kërkon policisë të lirojnë djalin e tij pasi thotë se vuan nga depresioni. Në një prononcim për gazetarët babai Bajram Hoxha thotë se është penduar që thirri policinë.
Lajmërova policinë. Ai hyri brenda. Fillimisht ishte me thikë buke e unë me sëpatë, të cilën e mora për ta nxjerrë përjashta. Por ma mori nga dora sëpatën se është më i fortë. U them ta nxjerrin jashtë sepse ai nuk ka nevojë të izolohet por të kurohet tek një psikolog
I ati tregon se djali jeton në Itali dhe humbja e të ëmës disa vite më parë e kishte rënduar psikologjikisht.
Detaje të reja, janë zbuluar nga ngjarja e ndodhur në Maminas të Shijakut ku 35 vjeçari Eduart Hoxha sulmoi me sëpatë babain e tij duke kërcënuar se do ta vriste.
Burime për Report Tv nga policia e Durrësit bëjnë të ditur se Eduart Hoxha, i arrestuar nga forcat RENEA për dhunë në familje nuk rezulton person me probleme të mëparshme dhe as përdorues i lëndëve narkotike.
Sipas burimeve nga policia sherri ka nisur se babai i tij i kishte thënë se përse nuk punon. Pastaj debati ka kaluar në sherr verbal e më pas në kanosje.
Sipas policisë i arrestuari manifeston probleme të cilat të çojnë në dyshimin se ai mund të ketë kaluar në gjendje depresive sepse qante dhe ofendonte edhe forcat e rendit. I arrestuari do t’i nënshtrohet një vizite te mjeku psikiatër.
Ministri i Brendshëm, Taulant Balla ka reaguar pas arrestimit të 35 vjeçarit Eduart Hoxha në Shijak të Durrësit, i cili kërcënoi babain e tij se do ta vriste me sëpatë.
Ai përgëzoi forcat "RENEA" për ndërhyrjen në kohë duke parandaluar një ngjarje kriminale.
"Parandalimi apo reagimi në kohë nga Policia e Shtetit në rastet e dhunës në familje, dhunës me bazë gjinore apo ndaj të miturve, janë detyra të cilat duhet të ndiqen me vëmendje maksimale në të gjithë territorin. Përgëzoj forcat e RENEA të cilët ndërhynë në kohë në rastin kërcënimit dhe dhunimit të një të moshuari, duke arrestuar dhunuesin"- shkruan Balla.
Lajme të tjera
-
Makina e vrasjes së 3-fishtë në Shkodër, e vjedhur në Durrës
2 Nëntor, 21:29 -
Tension dhe protesta për golin e anuluar, ndërpritet kryendeshja e Kategorisë së Dytë
2 Nëntor, 17:02 -
Komedia ‘Kujdes nga miku’ me regji të Armand Borës shfaqet në teatrin e Durrësit
2 Nëntor, 16:16
-
Po pret në radë, Shqiptarja.com sjell pamjet nga afër të kontejnerëve me mbetje të dyshuara të rrezikshme në anijen 'Moliva'
2 Nëntor, 13:55 -
Durrës/ Anija me mbetje ende në radë, Prokuroria sqaron vonesat: Derisa të sigurohen kushtet e duhura! Kërkesë disa institucioneve që të vënë në dispozicion laboratorë për analizat
1 Nëntor, 16:50 -
Durrës/Vidhte vegla punë në kantiere ndërtimi e banesa, dyshohet si autor i 4 rasteve! Vihet në pranga 33-vjeçari! Ja momenti kur kapet mat nga kamerat (VIDEO)
1 Nëntor, 10:31 -
Përmbytjet në Vlorë, nis aksioni i pastrimit dhe larjes së rrugëve, Dredha: Në të gjitha segmentet dhe lagjet! Mbështetje edhe nga bashkitë e tjera (VIDEO)
1 Nëntor, 08:28
-
Durrës/ Vrau babanë pas grabitjes së kasafortës me 70 mijë euro dhe fshehu trupin në pus, Apeli lë në burg djalin dhe shokun e tij
31 Tetor, 15:40 -
U goditet me thikë në oborrin e gjimnazit, zbardhet dinamika e plagosjes së 18 vjeçarit! Shkak një fërkim krahu me autorin
31 Tetor, 12:09 -
Debati për anijen me mbetje zhvendoset në Kuvend! Açka: Do asgjësohen në det! Balla: Ka ikur koha kur nuk zbatohej urdhri i Prokurorisë! Hoxha: S'janë kuti kartoni t'i fshehim
31 Tetor, 11:07 -
Anija me 2100 tonë mbetje të kthyera nga Tajlanda mbeten në det! Autoriteti Portual i përgjigjet Prokurorisë: Nuk mund ta garantojmë sigurinë
31 Tetor, 09:58
-
Durrës/ Sapo i kishte shpëtuar një aksidenti tjetër! 58 vjeçari përplaset për vdekje nga kamioni! Arrestohet autori
30 Tetor, 11:20
