POP 5

Lajmet më të lexuara të 5 minutave të fundit

Politikë

SHISH, Meta: Jo protagonizëm
të tepëruar, ndal politizimit

Kreu i Kuvendit, Ilir Meta ndryshoi qëndrimin e tij për çështjen e Visho Ajazit duke pohuar se duhet të ulen tonet nga të gjitha palët.
SHISH, Meta: Jo protagonizëm<br />të tepëruar, ndal politizimit
TIRANE- Kreu i Kuvendit, Ilir Meta ndryshoi qëndrimin e tij për çështjen e Visho Ajazit duke pohuar se duhet të ulen tonet nga të gjitha palët. Kësisoj, ndryshe nga të gjithë eksponentët e mazhorancës që e kanë etiketuar Visho Ajazi Likën si në kushte paligjshmërie për të drejtuar SHISH, kryetari i Kuvendit Meta kërkon të ulë tonet. Sipas tij çështja nuk duhet politizuar, duhet zgjidhur në mënyrë institucionale e palët duhet të bëjnë kujdes me deklaratat që lëshojnë. “Në bindjen time protagonizmi i tepruar në këtë çështje, nuk i shërben qëllimit të përbashkët të gjithë aktorëve publikë, për të rritur efikasitetin e punës së këtij shërbimi të rëndësishëm për të rritur sigurinë e vendit, në rritjen e luftës ndaj terrorizmit.

Prandaj shpresoj dhe inkurajoj të gjithë aktorët të sillën në mënyrë sa më të përmbajtur e institucionale kur bëhet fjalë për një çështje të tillë”, tha Ilir Meta. I pyetur sërish se në këtë çështje është përfshirë edhe Kryetari i Komisionit të Sigurisë, Spartak Braho, njëherësh edhe deputet i LSI-së, Meta theksoi se: “Unë nuk kam përjashtuar asnjë aktor nga protagonizmi i tepruar që ka shfaqur. Problematika për SHISH ka nisur disa javë më parë kur në Komisionin e Sigurisë shkoi për të raportuar kryetari i Shërbimit Informativ Shtetëror, Visho Ajazi Lika nga ku rezultoi se ai nuk posedonte një certifikatë sigurie për të pasur akses në informacionet e klasifikuar.

Pas kësaj, deputetët e mazhorancës kanë iniciuar një grup kontrolli për të hetuar veprimtarinë e SHISH me argumentin se Visho Ajazi s’është në gjendje që të bëjë punën e tij për shkak se nuk ka certifikatë sigurie.

Shkrimi u publikua sot (22.03.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Ekzekutuan ndërtuesin Eduart Reçi, Vëllezërve Duka i gjejnë në magazinën e lokalit armë zjarri të dëmtuara e 6 silenciatorë

Ekzekutuan ndërtuesin Eduart Reçi, Vëllezërve Duka i gjejnë në magazinën e lokalit armë zjarri të dëmtuara e 6 silenciatorë

24 Nëntor, 15:32