POP 5

Lajmet më të lexuara të 5 minutave të fundit

Politikë

SHISH, Nishani vë njeriun e
Gazidedes në vend të Shaqirit

Njeriu i cili ka punuar si zv. drejtor në Shërbimin Informativ Kombëtar në kohën kur drejtohej nga Bashkim Gazidede, nga sot do të jetë në krye të këtij shërbimi sekret. Nishani shkarkoi Bahri Shaqirin, emëroi Likën me propozim të kryeministrit. (Në foto majtas Visho Lika, djathtas Bahri Shaqiri)
 AK: Vendimi, kapitullim i institucioneve të pavarura Rama: Në krye të SHISH një shërbëtor i Berishës si Nishani
Fatos Klosi: Berisha do të bëj gjëra të frikshme
Baraj: Me shërbëtorin Bujar, Berisha po kontrollon institucionet
SONDAZH: Mendoni se shkarkimi i kreut të SHISH me kërkesë të Berishës do të ndikojë negativisht në marrëdhëniet mes Shqipërisë dhe SHBA?
SHISH, Nishani vë njeriun e<br />Gazidedes në vend të Shaqirit
TIRANE - Njeriu i cili ka punuar si zv. drejtor për Shërbimin e Jashtëm, në Shërbimin Informativ Kombëtar në kohën kur drejtohej nga Bashkim Gazidede, nga sot do të jetë në krye të këtij Shëbimi sekret.

Presidenti i Republikës Bukjar Nishani dekretoi sot shkarkimin nga detyra të kreut të Shërbimit Informativ Shtetëror Bahri Shaqirin dhe emëroi në këtë detyrë Visho Likën.

Emërimi i tij u bë me propozim të kryeministrit Berisha. 

“Presidenti i Repubikës, Bujar Nishani, në mbështetje të nenit 92, germa “f”, dhe nenit 93 të Kushtetutës si dhe nenit 5, paragrafit 2 të Ligjit nr. 8391, datë 28.10.1998 “Për Shërbimin Informativ Kombëtar”, i ndryshuar, me propozim të Kryeministrit dekretoi lirimin nga detyra të Drejtorit të Shërbimit Informativ të Shtetit, zotit Bahri Shaqiri dhe emërimin në detyrën e Drejtorit të Shërbimit Informativ të Shtetit, të zotit Visho Ajazi Lika.”- thuhet në njoftimin për shtyp të presidencës.

Detyra e fundit e Visho Likës ishte në postin e zv/ministër pranë ministrisë së Inovacionit.

PROCEDURA E EMERIMEVE DHE SHKARKIMEVE
Drejtori dhe zëvendësdrejtori i SHISH-it sipas ligjit emërohen e shkarkohen nga Presidenti i Republikës me propozim të Kryetarit të Këshillit të Ministrave.

Presidenti i Republikës Alfred Moisiu e dekretoi Bahri Shaqirin në postin e Drejtorit të Shërbimit Informativ të Shtetit më 27 Janar 2005.

Shaqiri vazhdonte të ushtronte detyrën për shkak se ligji i jepte kreut të SHISH-it një mandat të pakufizuar.

Prej vitesh mbeti në tentativë vullneti i Kryeministrit Sali Berisha dhe mazhorancës për një ligj të ri mbi Shërbimin Informativ Shtetëror ku parashikohej kufizimi i mandatit të titullarit dhe në dispozitat kalimtare shkarkimi i Shaqirit. Nisma ligjore hasi në kundërshtimin e ashpër të opozitës dhe faktorit ndërkombëtar duke bërë që të mbetej pezull.

(sg/shqiptarja.com)

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

VKM e Qeverisë/ Ndryshon emri dhe numri i Këshillit Kombëtar të Territorit, nga 9 bëhet me 11 anëtarë! Shtohen Mbrojtja dhe Shëndetësia, tani do jetë KKTU

VKM e Qeverisë/ Ndryshon emri dhe numri i Këshillit Kombëtar të Territorit, nga 9 bëhet me 11 anëtarë! Shtohen Mbrojtja dhe Shëndetësia, tani do jetë KKTU

26 Dhjetor, 22:31