POP 5

Lajmet më të lexuara të 5 minutave të fundit

Politikë

SHISH, Visho e pranon: Kam punuar
me Gazideden por do zbatoj ligjin

Kreu i ri i Shërbimit Informativ Shqiptar korigjon jetëshkrimin e tij duke pranuar se ka punuar me Bashkim Gazideden dhe se ka qenë një nga drejtuesit e lartë të SHIK-ut gjatë viteve 1994-1997, që përkon edhe me një nga periudhat më të errëta të historisë së këtij institucioni kur politizimi i tij arriti kulmin.
SHISH, Visho e pranon: Kam punuar <br />me Gazideden por do zbatoj ligjin
TIRANE- Kreu i ri i Shërbimit Informativ Shqiptar Visho Ajazi Lika korigjon jetëshkrimin e tij duke pranuar se ka punuar me Bashkim Gazideden dhe se ka qenë një nga drejtuesit e lartë të SHIK-ut gjatë viteve 1994-1997, që përkon edhe me një nga periudhat më të errëta të historisë së këtij institucioni kur politizimi i tij arriti kulmin.

Në CV-në e publikuar në faqen online të SHISH, përgjegjësi i ri i shërbimit inteligjent shkruan qartë se nga viti 1994 deri në vitin 1997 ka qenë drejtor i zyrës së Shërbimit të Jashtëm pranë Shërbimit Informativ Kombëtar.

Deri pak ditë më parë, ky detaj ishte anashkaluar nga Ajazi Lika. Në CV-në që gjendet ende në faqen online të Ministrisë së Inovacionit ku dhe mbante karrigen e numrit dy, për të njëjtën periudhë kohore shefi i SHISH kishte deklaruar një punësim pranë Ministrisë së Jashtme, ku në fakt ndodheshin dhe disa zyra të Drejtorisë së SHIK-ut që ai drejtonte në atë periudhë.

E njëjta CV e korrigjuar ishte publikuar edhe në faqen e Këshillit të Ministrave, nga ku më pas u hoq ditën kur Visha u dekretua nga Presidenti Bujar Nishani në krye të shërbimit informativ dhe mediat menjëherë nënvizuan të kaluarën e tij të mohuar përkrah Bashkim Gazidedes.

Ndoshta për shkak edhe të së kaluarës së tij që tashmë nuk mund të fshehë më, Visho Ajazi Lika ka premtuar se SHISH nën drejtimin e tij do t'i përmbahet rreptësisht kuadrit ligjor që përcakton veprimtarinë e këtij institucioni... një saktësim i rrallë për një kurrikulum.
(sg/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Militantë të Berishës protestojnë kundër Ramës në Londër (VIDEO)

Militantë të Berishës protestojnë kundër Ramës në Londër (VIDEO)

24 Nëntor, 12:59