Gjykata e e Tiranës ka vendosur sot masën 'arrest shtëpie' për ish pronarin e Univeristetit të mbyllur “Kristal” Ahmet Muça, lidhur me lëshimin e diplomave fallso, pas mbylljes së aktivitetit të universitetit në fjalë.

Ky vendim u mor pas kërkesës së Prokurorisë, e cila nuk kërkoi arrestin me burg për shkak të moshës 70-vjeçare të Muçës.

Për 70 vjeçarët nuk aplikohet më arresti me burg për vepra penale, si mashtrimi, apo flasifikimi.

Ahmet Muça u arrestua tre ditë më parë në flagrancë duke shitur një diplomë.

Muça jepte diploma nën logon e Kristalit për 2500 euro edhe pse Universiteti ishte mbyllur me vendim qeverie prej 3 vitesh.

Muça akuzohet për korrupsion në sektorin privat, mashtrim dhe flasifikim dokumentash.

Ai nuk ka bërë asnjë koment dhe ka qenë dakord me kërkesën e bërë nga avokati i tij Theodhori Sollaku për arrestin shtëpiak.

Qëndrimin me arrest shtëpie Muça do ta kryejë pranë banesës së tij në lagjen Komuna e Paristi në Tiranë.

Gjatë komunikimit me gjyqtarin e çështjes Muça shihet që i bën me shenjë atij se nuk dëgjon mirë dhe për këtë arsye, një polic vihet në rolin e ndihmësit për t’i thënë Muçës pyetjet e gjyqtarit.

meti para gjykates
Ahmet Muça në seancën e sotme gjyqësore

s.k/Shqiptarja.com