Shkarkohet drejtori i BILD, akuzohet për ngacmim seksual ndaj punonjeseve! Skandali zbulohet nga New York Times: Kush fle me drejtorin promovohet

Julian Reichelt

Drejtori i tabloidit gjerman BILD, Julian Reichelt, 41 vjeç, është shkarkuar nga posti i tij pasi akuzohet se ka përdorur pushtetin e tij për ngacmime seksuale me punonjësit në këmbim të promovimit të tyre apo për t'u rritur rrogën. Ky skandal u zbulua nga hetimet e New York Times që kishin nisur që pranverën e 2021.

New York Times e nis hetimin e saj me titullin "Kështu funksionon në Bild , ai që fle me drejtorin promovohet," dhe në të raporton të dhëna të shumta që zbulojnë abuzimet e Reichelt me punonjëset e tij në këmbim të një posti më të lartë. New York Times, mes të tjerash, raporton dëshminë e një praktikuesi, i cili dëshmoi në një hetim të brendshëm të kryer në Mars dhe tha se në vitin 2018 Reichelt e kishte çuar atë në një hotel pranë selisë së 'Axel Springer', ku kishin kryer marrëdhënie seksuale.

Shkarkimi i tij u bë nga  Mathias Dopfner, kreu i "Axel Springer" shtëpisë botuese më të madhe në Europë që përfshin dhe BILD. Dopfner e mbrojti atë për muaj më radhë, por pas hetimit të New York Times ai  shkarkoi gazetarin "për mos ndarje të sferës private dhe asaj profesionale dhe se gënjeu menaxherët e grupit". Dopfner shpjegoi se nuk ishte në dijeni të detajeve të zbuluara dhe e ka shkarkuar atë.

"Ne nuk do të tolerojmë asnjë sjellje që nuk respekton standardet tona etike dhe kulturën tonë gjithëpërfshirëse dhe të hapur," tha Dopfner.

I.K./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mendoni se strukturat shtetërore i kanë kapacitetet për të përballuar stinën e përmbytjeve?



×

Lajmi i fundit

John

Reshje shiu dhe dëborë si dhe temperatura në ulje, si parashikohet moti për sitën e sotme