Aia Rosario D'Onofrio është ndër 42 të arrestuarit në operacionin e Guardia di Finanza dy ditë më parë në kuadër të një hetimi nga DDA Milaneze që çoi në çmontimin e trafikut të drogës mes Italisë dhe Spanjës. Ai është Kryeprokurori i Shoqatës të Arbitrave Italianë (AIA), i njohur ndryshe me nofkën “Rambo” për shkak të së kaluarës në ushtri. Mirëpo sot ai është në akuzë për korrier droge dhe parash në një hetim të nisur nga Prokuroria e Milanos
Nga sa raportojnë mediat italiane, autoritet përkatëse kanë zbuluar se si “Rambo” transportonte drogë gjatë pandemisë. Për këtë ka prova, pasi në 30 mars të 2020, i veshur me veshje ushtarake, që ia kishte marrë shokut, është filmuar teksa transportonte rreth 35 kg hashash me makinën personale tip Volvo XC 60. Këtë uniformë ai e kishte marrë nga një koleg, pasi vetë ishte pezulluar nga Forcat e Armatosura për shkak të thyerjes të disiplinës dhe me anë të kësaj uniforme arrinte që të lëvizte i lirë edhe në një kohë kur në fuqi ishin masat anti-COVID.
Hetuesit kanë zbuluar se D’Onofrio ishte korrieri kryesor i një bande që operonte në Spanjë dhe Itali. Ai kishte për detyre që të shpërndante drogën, e cila vinte me kamionë nga Spanja. Ish-ushtaraku furnizonte me armë anëtarët e grupit. Në përgjime të tjera telefonike dëgjohen këta të fundit teksa pranojnë se “Rambo” ishte i aftë që të torturonte njerëz në forma të ndryshme.
Në kuadër të këtij operacioni, janë arrestuar 42 persona të lidhur me mafien dhe bandat e drogës, mes tyre edhe shqiptarë.