POP 5

Lajmet më të lexuara të 5 minutave të fundit

Bota

Po nisnin çantat me paund për në Shqipëri, arrestohen 4 shqiptarë në Britaninë e Madhe

Katër shqiptar, të dyshuar si anëtar të një grupi kriminal të trafikimit të parave nga Britania drejt Shqipërisë, janë arrestuar nga autoritetet britanike

Po nisnin çantat me paund për në Shqipëri, arrestohen 4 shqiptarë në Britaninë e Madhe

Katër shqiptar, të dyshuar si anëtar të një grupi kriminal të trafikimit të parave nga Britania drejt Shqipërisë, janë arrestuar nga autoritetet britanike.

Të dyshuarit u arrestuan më 13 prill, pas një seri bastisjesh të koordinuara që nisën me arrestimin e një shqiptari 48-vjeç në Dover.

Përafërsisht 200 mijë paund, (rreth 235 mijë euro) u sekuestruan në automjetin e tij, i cili ishte nisur rrugës për në Shqipëri. Dy persona të tjerë, të moshës 34 dhe 22 vjeç, dhe një djalë 17-vjeçar u arrestuan në Tottenham Hale, Londër, me rreth 150,000 £ në makinën e tyre.

Arrestimet vijnë pas një hetimi dy vjeçar. Hetimi filloi në shkurt 2022 pasi Forcat Kufitare ndaluan 48-vjeçarin në kontrollet e tunelit të Channel në Folkestone, Kent.

Brenda furgonit të tij Mercedes Sprinter, i cili ishte nisur për në Tiranë, oficerët gjetën gjithsej 390,000 £ të mbështjella në pako të ndryshme. Shtëpia e të dyshuarit në Haringey, Londër, u kontrollua dhe oficerët zbuluan 150 mijë paund të tjera në para. 34-vjeçari ishte arrestuar më parë në shtator 2022, pasi oficerët i zbuluan mbi 20 mijë në makinën e tij.

Në gusht 2023, u sekuestruan edhe 43,980 pound të tjera, të cilat besohej se ishin të destinuara për t’u transportuar nga grupi. Të dy personat mbetën nën hetim derisa u arrestuan sërish të shtunën, por u liruan me kusht. 22-vjeçari dhe djali 17-vjeçar u lanë të lirë nën hetim në pritje të hetimeve të mëtejshme.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • sapa: 16/04/2024 11:16

    Cunat e Londres se Rames!

    Përgjigju
  • Iris: 16/04/2024 04:57

    /Dhurate/ ne kohen e duhur per Sejkot me shoke, qe thone qe interesi bankar e turizmi kane ndikuar ne forcimin e lekut dhe thone qe s'ka problem.Me te vertete?! Gjithe keto shuma dhe keto u kapen,por sa nga keto kane kaluar pa u kapur as nga keta,as nga ne?! E permbytet tregun shqiptar te monedhave.

    Përgjigju
  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

SPAK, sfida tjetër me lavanderinë politike të mëkateve

SPAK, sfida tjetër me lavanderinë politike të mëkateve

7 Janar, 18:46 nga Lorenc Vangjeli