Shkelën kufirin, pronari i velierës për Report Tv: Moti i keq na detyroi të ndalonim në Shqipëri, radio nuk punonte

Pronari i velierës së bllokuar në Vlorë thotë për mediat se moti i keq e detyroi të ndalonte dhe se radio nuk punonte për të njoftuar Kapitenerinë e Portit.

'Ndalimi ishte absurd, moti i keq na detyroi të ndalonim në ujërat territoriale gjatë natës. Radiot detare nuk funksionojnë gjatë natës dhe vetëm në mëngjes arrita të kontaktoja me oficerët e policisë kufitare për të bërë procedurën, por ata na ndaluan menjëherë. Sipas ligjit detar nëse ka mot të keq mund të ndalosh në cilindo shtet. Përveçse në shqipëri jo', shprehet pronari i velierës, Dmitriy Nikulin.

Më tej pronari i velierës thotë se do të ikte drejt Malit të Zi dhe se udhëtimin e kishte marrë që të instruktonte të rinjtë që duan të mësojnë drejtimin e një veliere.

'Destinacioni përfundimtar ishte Mali i Zi dhe se  veliera përdorej prej tij për itinerarin nga Mali i Zi në Turqi për të instruktuar të rinjtë që dëshirojnë të mësojnë të drejtojnë një velierë', thotë Nikulin.

Lajmi kryesor:

Vlorë, sekuestrohet veliera me flamur amerikan, pronari rus: Ndaluam nga moti i keq, radio nuk punonte (VIDEO)

er.k./r.k./Shqiptarja.com

TAG:
• Vlore
• veliera
• Malit të Zi