Shkodër, 22 muaj pa rroga, 6 punonjës të fabrikës së duhanit në protestë: S'kemi lekë të paguajmë as dritat

6 punonjës të fabrikës së duhanit në Shkodër prej 22 muajsh vuajnë mungesën e pagave. Një fakt i tillë është bërë me dije në një konferencë për shtyp nga Kryetari i Bashkimit të Sindikatave të Punonjësve Shkodër, Albert Tukaj. Ai se bashku me punonjësit kanë bërë publike këtë shkelje që po bëhet ndaj tyre.

Bashkimi i sindikatave të pavarura kundërshton me forcë dhunën, dhe mungesën e bashkëpunimit mes ministrisë së financave dhe drejtorisë së pëergjithshme të menaxhimit të këtyre pronsave dhe anëtarëve të kësaj sindikate të kësaj në këtë ndërmarrjeje, dhe pikërisht bëhet fjalë për 6 vetë. Të gjitha nenet që kanë të bëjnë me kodin e punës nuk kanë gjetur funksion në fabrikën e duhanit duke u mohuar 6 punonjësve pagat prej 22 muajsh.

Albert Tukaj - Kryetar BSPSH

Juristia e këtij institucione ka pohuar se për këtë çështje i janë dërguar një sërë shkresash Ministrisë së Financave, pasi kjo ndërmarrje është në vartësi të saj, por nuk kanë marrë asnjë përgjigje

Ne si shoqëri varemi nga ministria e financave dhe ekonomisë dhe ankesat te kryeministria kanë qenë të njëpasnjëshme por rezultati është ky që shihet. Plot 22 muaj pa paga, sigurime shoqërore dhe shëndetësore për 6 punonjës.

Jetmira Bajraktari - Juriste

Sabri Spahia, punonjës prej vitësh në ndërmarrje, tregon vuatjen qe ato po përjetojnë duke mos u paguar prej muajsh.  Ndërkohë që ky i fundit është aksidentuar gjatë punës në këtë ndërmarrje.

As nuk kam raport as asgjë. Se ku duan të dalin këta vetë e dinë, s’kam as ujë as drita. Më kanë ardhur dokumentet në shtëpi, natën e Vitit të Ri jam pa drita. Po rroga? Fëmija do të hajë, me çfarë do t’i mbajmë?!

Sabri Spahia punonjes

Ndërmarrja e duhan cigares në Shkodër me një sipërfaqe prej 5.2 ha, me 25 kapanone sot e braktisur është në vartësi të Drejtorisë së Pronave publike në Ministrinë e Financave . Aktualisht në këtë ndërmarrje punojnë 6 persona, administratori juristja dhe 4 roje . Ato kërkojnë pagat e tyre, ndërkohe që apeli i drejtohet shtetit që të marrë masa dhe të shlyej pagat për këto punonjës të cilet nuk kanë asnjë të ardhur tjetër.

//Shqiptarja.com

TAG:
• albert tukaj
• Jetmira Bajraktari
• Sabri Spahia