Policia ka arrestuar ditën e sotme, 5 persona dhe ka shpallur në kërkim një tjetër për posedim të 5146 paketave ciagaresh kontrabandë, 101 pako duhani të grirë dhe 2000 llampa.
 
Të arrestuarit janë:
Ndriçim Bilani, 55 vjeç, banues në Shkodër

Ramadan Lulaj, 67 vjeç, banues në Shkodër

Agron Isufaj, 47 vjeç, banues në Shkodër

Kujtim Guri, 48 vjeç, banues në Shkodër

F. Qevani, 45 vjeç, banuese në Shijak

Gjithashtu u shpall në kërkim dhe po punohet për kapjen e A.M. 44 vjeç, banues në Shkodër.

Nga kontrroli i ushtruar në ambjente apo vende të dyshuara për mbajtjen apo magazinimin e mallrave të kundraligjshëm u arrit që të sekuestrohen cigaret kontrabandë.

Materialet proceduriale iu referuan Prokurorisë së Rrethit Gjyqësor Shkodër për veprat penale "Fshehja e të ardhurave", "Kontrabanda me mallra të tjera", "Prodhimi i kundraligjshëm i artikujve dhe mallrave industrialë dhe ushqimorë", "Kontrabanda me mallra që paguhet akcizë" dhe "Tregëtimi dhe transportimi i mallrave që janë kontrabandë". 

ilace
  (Cigaret e sekuestruara)

Redaksia Online
XH.K/shqiptarja.com