POP 5

Lajmet më të lexuara të 5 minutave të fundit

Arkiva

Shkodër, Rama:Lekët u hodhën
për investime, por janë vjedhu

PS mban sot “Këndin e fjalës” në Komunën Gur i Zi, në Shkodër. Kreu i PS u ndal tek investimet e munguara në vend, edhe pse sipas tij paratë janë derdhur për ujësjellësa, rrugë, shkolla, spitale, etj. Rama e cilësoi Qendrën Spitalore Universitare “Nënë Tereza” në Tiranë, si “vatrën më të nxehtë të korrupsionit në vend”.
Shkodër, Rama:Lekët u hodhën<br />për investime, por janë vjedhu
SHKODER - Partia Socialiste mban sot “Këndin e fjalës” në Komunën Gur i Zi, në Shkodër. Kreu i PS u ndal tek investimet e munguara në vend, edhe pse sipas tij paratë janë derdhur për ujësjellësa, rrugë, shkolla, spitale, etj. Në fjalën e tij, Rama u ndal tek ofrimi i shërbimit shëndetësor falas për të gjithë qytetarët. Por duke vënë theksin tek mungesa e investimeve në sektorin e shëndetësisë, Rama e cilësoi Qendrën Spitalore Universitare “Nënë Tereza” në Tiranë, si “vatrën më të nxehtë të korrupsionit në vend”.
 
“Lekët për të ndërtuar sistemin e ujitjes janë harxhuar. Lekë nuk ka sepse janë vjedhur. Prandaj ska ujë. Një pjesë e rrugëve kanë ngelur rrugëve se lekët janë vjedhur. Shqipëria i ka harxhuar lekët e spitaleve, e sidomos te spitali “Nënë Tereza” që është vatra më e nxehtë e korrupsionit në vend”, tha Rama.
 
Sipas kryesocialistit janë qytetarët ata që vuajnë drejpërsëdrejti mungesën e këtyre investimeve.

Kreu i PS, Edi Rama tha se “PD është një parti familjare dhe nuk ka lidhje me interesat e demokratëve. Akoma dhe sot premtohet ujë, edhe pse vendi ka burime ujore në çdo metër tokë. S’ka ujë, pasi ata që ju kanë marrë historikisht votën ju shohin si zgjedhës, e jo si njerëz. Thonë ju kemi në xhep. Nëse komunizmi vazhdon të jetejë sot, jeton vetëm në një vend, në kokën e Saliut”.

Rama vlerësoi kandidatin për deputet në qarkun e Shkodrës për zgjedhjet e 23 qershorit, Tom Doshi, si "një biznesmen që hyri në politikë si sipëmarrës, s'ka përfituar nga politika. Kam krenar për Tom Doshin, jam krenar për skuadrën".

Duke u ndalur tek premtimet e kreut të qeverisë për të dëmshpërblyer shkodranët për dëmet e shkaktuara nga përmbytjet, Rama tha se kjo nuk besohet më nga qytetarët.
 
“Berisha u thotë shkodranëve, do ju jap lekët në dorë për përmbytjen. Po a ka njeri që të besojë se vjen dora e këtij pushteti, të futet në xhep, e t’ju lërë lekët. Edhe xhepin do ju marrë se lek jo e jo. Kështu thotë edhe për lekët e naftës, të fidanëve, kshtu thonte edhe për lekët të Sudja. Çoni lekët dhe nga një do ju bëhen tre, ju mos punoni, rrini në kafe”, tha Rama.
 
Më tej, kreu i PS-së ironizoi me batutat e Berishës për “autobusin mavi”.
 
“E kanë bërë Partinë Demokratike si agjenci autobusash, se marrin autobusët me vete. Dhe thotë gjithë kohën, autobusi mavi”, vijoi Rama.

TOM DOSHI: PAS NJE JAVE, HAJDUTET S'DO JENE NE PUSHTET

Kandidati për deputet Tom Doshi, tha se “Shkodra është e drejtuar nga hajdutë. I them të gjithëve mos keni frikë, se fundi i tyre do edhe një javë. Do të jetë fushata e fundit që premtohet ujë i pijshëm. Kur të vijmë do vijmë në pushtet pas 23 qershorit do të investojmë për sistemin e vaditjes dhe ujin e pijshëm."

Redaksia Online
(e.s/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Dita e Pavarësisë, Presidenti Begaj mirëpret fëmijët shqiptaro- amerikanë: Ruajnë dashurinë për vendin dhe traditat

Dita e Pavarësisë, Presidenti Begaj mirëpret fëmijët shqiptaro- amerikanë: Ruajnë dashurinë për vendin dhe traditat

27 Nëntor, 19:39