POP 5

Lajmet më të lexuara të 5 minutave të fundit

Kronikë

Shkodër/ Vjedhja e mbi 100 mijë eurove në shtëpinë e ish-mjekes, policia shpall në kërkim 2 autorët! Ja çfarë u gjetën në banesat e tyre (VIDEO+EMRAT)

Ngjarja ka ndodhur më 12 Shkurt, në një banesë në lagjen "Qemal Stafa" në pronësi të një ish-mjekeje. Policia vendore sqaroi se u ushtruan kontrolle në banesat e tyre dhe u gjetën prova materiale

Shkodër- Vjedhja e bujshme e ndodhur në një banesë në qytetin e Shkodrës ditë më parë, ku ka pasur mbi 100 mijë euro, ka çuar Policinë në gjurmët e 2 autorëve të dyshuar, që pas identifikimit janë shpallur në kërkim.

Mësohet se autorët e dyshuar janë Mikel Gjoni dhe Frederik Shkambi. Janë sekuestruar 3 maska, 1 kapuç, 5 celularë, një sasi kanabisi dhe sende të tjera të kundërligjshme, që u gjetën në banesat e tyre.

Ngjarja ka ndodhur më 12 Shkurt, në një banesë në lagjen "Qemal Stafa" në pronësi të mjekes infeksioniste, Zhaneta Doçi.

Policia vendore sqaroi se u ushtruan kontrolle në banesat e tyre dhe u gjetën prova materiale, një pjesë e tyre që besohet se janë përdorur edhe gjatë vjedhjes në shtëpinë e Genc Doçit.

“Të kërkuarit janë F. Sh., 27 vjeç, (Frederik Shkambi) banues në Shkodër, për veprën penale “vjedhja” me pasoja të rënda, kryer në bashkëpunim dhe M. Gj., 34 vjeç, (Mikel Gjoni), banues në Shkodër, për veprën penale “vjedhja” me pasoja të rënda, kryer në bashkëpunim dhe “prodhimi dhe shitja e narkotikëve”, thuhet në njoftim. 

Gjatë kontrollit në banesën e 27-vjeçarit, shërbimet e Policisë kanë gjetur dhe sekuestruar 3 maska, 1 kapuç, 5 celularë, 5 palë targa dhe sende të tjera të kundërligjshme, ndërsa gjatë kontrollit në banesën e 34-vjeçarit kanë gjetur dhe sekuestruar një sasi lëndë të dyshuar narkotike cannabis sativa. 

Materialet e dosjes penale i kaluan Prokurorisë së Shkodrës, për veprime të mëtejshme.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lori: 14/02/2025 13:36

    Policia ti hetoj dhe ku i mori mjek 100 mij euro qe i mbante ne dollap sepse ky esht korrupsion i paster

    Përgjigju
  • Sondazhi i ditës: 26 Mars, 08:02

    Sa të rëndësishme janë zgjedhjet e 11 majit për integrimin në BE?

Lajme të tjera



×

Lajmi i fundit

Të shtëna me armë zjarri në Prishtinë, një i vdekur dhe një i plagosur! Në kërkim autori

Të shtëna me armë zjarri në Prishtinë, një i vdekur dhe një i plagosur! Në kërkim autori

26 Mars, 08:04