Kryefamiljari harroi cigaren ndezur, përfshihet nga flakët kati i 4-t i pallatit në Shkodër! Asfiksohet një qytetar (VIDEO)

Një tjetër zjarr ka rënë mëngjesin e kësaj të premteje në një banesë në Shkodër, për shkak të shpërthimit të një bombule gazi.

Ngjarja ka ndodhur në lagjen Partizani në zonën e Rusit, ku si pasojë e shpërthimit të bombulës së gazit një banesë është ‘përpirë’ nga flakët.

Siç raportohet, deri më tani nuk ka persona te lënduar, ndërsa forcat zjarrfikëse kane neutralizuar zjarrin.

Lajmi në përditësim...

Kryetari i Bashkisë së Shkodrës, Benet Beci ka mbërritur në vendin e ngjarjes ku mëngjesin e sotëm një apartament në katin e katërt të pallatit u përfshi nga flakët.

Mësohet se banesa është e familjes Haxhia, e përbërë nga 5 anëtarë. Këta të fundit fatmirësisht nuk kanë qenë të pranishëm në momentin që apartamenti është përfshirë nga flakët.

Benet Beci shihet teksa hyn në pallat për të inspektuar dëmet e shkaktuara. Ndërsa komunikoi edhe me anëtarët e familjes Haxhia për t’i qetësuar lidhur me ngjarjen e ndodhur.

Një qytetar është asfiksuar si pasojë e tymit të shkaktuar nga flakët që përfshinë apartamentin në katin e katërt të pallatit në Shkodër. 

Ai është dërguar me urgjencë në spitalin rajonal të Shkodrës ku i është dhënë ndihma e parë. Ndërkohë forcat zjarrfikëse kanë arritur të vënë shuajnë flakët në banesë.