POP 5

Lajmet më të lexuara të 5 minutave të fundit

Kronikë

Shkoi të peshkonte një javë më parë në lumin Vjosë dhe u zhduk, gjendet i mbytur 63 vjeçari në Fier (EMRI)

Gjendet pas disa ditësh kërkime trupi i pajetë i 63-vjecarit Engjëll Kanani i cili dyshohej se kishte rënë ujërat e lumit Vjosë teksa po peshkonte

Fier-Në mes të arave të mbjella, 300 metra larg bregut të lumit Vjosa ,në vendin e quajtur “Bunac” në fshatin Kafaraj , mesditën e sotme (23 janar), shërbimet e policisë Fier dhe familjarët kanë bërë të mundur gjetjen e trupit te pajetë të 63- vjecarit, Engjëll Kanani, banues në Berat.

Më 16 janar, Engjëll Kanani së bashku me mikun e tij 64 vjeç kishin dalë për të peshkuar, por në rrethana misterioze u raportua se viktima i kishte humbur nga sytë shokut të tij i cili bëri edhe më pas kallëzim në komisariatin e Fierit.

Nga kqyrja paraprake e trupit në vendngjarje, nuk janë konstatuar shenja dhune, teksa dyshohet se mund të ketë pësuar atak kardiak pasi vuante nga zemra.

Trupi i pajetë është transportuar drejt morgut të Spitalit të Fierit, për ekspertizë mjeko - ligjore ndërkohë që grupi hetimor nën drejtimin e Prokurorisë së Fierit, vijon hetimet për zbardhjen e shkaqeve të rastit.

Njoftimi i policisë:

Në vijim të informacionit të dhënë më datë 18.01.2025, për shtetasin Engjëll Kanani 63 vjeç, i cili humbi kontaktet me miqtë e tij, me të cilët kishte shkuar për peshkim në lumin Vjosa, më datë 16.01.2025, bëjmë me dije se:

Si rezultat i kërkimeve të vazhdueshme, të kryera gjatë këtyre ditëve, në territorin e fshatit Kashishtë, në zonën përreth dhe në ujërat e lumit Vjosa, nga shërbimet e Policisë së Fierit dhe polumbarët e RENEA-s, ditën e sotme, u gjet trupi i pajetë i shtetasit Engjëll Kanani në vendin e quajtur "Bunac", në fshatin Kafaraj.

Nga këqyrja paraprake e trupit të 63-vjeçarit, nuk janë konstatuar shenja dhune.

Xh.K/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Nga supa e pulës te mjalti, cilat janë ushqimet që ju mbrojnë nga virozat e stinës

Nga supa e pulës te mjalti, cilat janë ushqimet që ju mbrojnë nga virozat e stinës

23 Janar, 18:27