Shkolla e re e fshatit Dritas, pjesë e buqetës së 40 shkollave të reja në Tiranë, po ngrihet më e bukur dhe më e fortë, gati të presë nxënësit në shtator. Kryebashkiaku Erion Veliaj vizitoi ecurinë e punimeve në këtë shkollë, për të cilën tha se do jetë me kushte edhe më të mira se shkollat në qendër të Tiranës.
“Parimi është që edhe nxënësit e Zall-Herrit të kenë një shkollë me të njëjtën cilësi, standard dhe hapësira si çdo shkollë tjetër që po bëjmë në Tiranë. Shumë prej shkollave në ish Bllok nuk kanë as gjysmën e këtij standardi. Është fati i shkollave të reja, për të cilat me historinë e rindërtimit pas tërmetit, na është dhënë një mundësi e jashtëzakonshme t’i ndërtojmë si kudo në perëndim. Dita e parë e shkollës do të jetë një ditë e bekuar shtatori, kur fëmijët të hyjnë në këtë shkollë dhe do ndihen realisht qytetarë të Tiranës”, tha Veliaj.
Kreu i Bashkisë tha se prindërit nuk kanë më nevojë t’i dërgojnë fëmijët e tyre në shkolla larg vendit ku jetojnë.
“Kemi bërë një shkollë shumë më të bukur se ato të Tiranës në qendër, ndaj nuk shoh asnjë arsye pse një fëmijë duhet të harxhojë orë të tëra në trafik për të shkuar në shkollë. Do bëjmë një thirrje me Njësinë Administrative që të gjithë të regjistrohen në shkollën në Dritas - regjistrimi bëhet fare kollaj te e-albania. Do jetë aq bukur, sa edhe nga Nikla, nga fshatrat përreth, nga Tapiza, do kërkojnë të vijnë këtu sepse njerëzit tërhiqen nga e mira dhe e bukura”, tha Veliaj.
Ai shtoi se puna do të vijojë me ritme të shpejta, sidomos gjatë verës, ku mjetet e tonazhit të rëndë do kenë mundësi të lëvizin gjatë fundjavës, teksa qytetarët janë në plazh duke pushuar, në mënyrë që shkolla të jetë gati në shtator.
“Ne kemi autorizuar që gjatë fundjavës, duke qenë se një pjesë e madhe e Tiranës del nga qyteti për të shkuar në plazh, për të kaluar fundjavën diku, fluksi i makinave bie, mjetet e rënda të lëvizin për të mbaruar në kohë këto projekte. Na intereson edhe ne, që të rikuperojmë çdo ditë, derisa kantieret të jenë gati në shtator, kur kthehen të gjithë nga pushimet”, sqaroi Veliaj.
Deputeti i PS, Xhemal Qefalia falenderoi kryebashkiakun Veliaj për premtimin e mbajtur se investimet do bëhen me të njëjtën cilësi, si në qendër ashtu edhe në periferi.
“Po ndërtohen të njëjtat shkolla me standarde edhe në periferi të Tiranës. Është një histori suksesi! Ju falënderoj posaçërisht për fjalën e mbajtur sepse për ju qytetarët janë të barabartë, qoftë ai në qendër, qoftë ai në periferi. Është një shkollë model”, përfundoi Qefalia.
Lajme të tjera
-
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Vrasja e Klaudio Prendit/ Ishte në kafe me 3 policë, njëri ndoqi mjetin e autorëve pas ekzekutimit! Vrasësit me 'Audi A4' vëzhguan zonën para krimit
22 Nëntor, 10:47 -
Vrasja e Martinit, 'arrest me burg' 14 vjeçarit, gjyqi mbahet në spital! I mituri s'tregon ku fshehu thikën: S'mbaj mend çfarë ndodhi! Hetohet kush e ndihmoi
22 Nëntor, 09:36
