POP 5

Lajmet më të lexuara të 5 minutave të fundit

Sociale

Shkolla 'Urani Rumbi' në Gjirokastër ka kaldaja por nuk funksionojnë, prindër e nxënës kërcënojnë me bojkot

360 nxënës në shkollën 9 vjeçare “Urani Rumbi” në Gjirokastër kërcënojnë se do të bojkotojnë mësimin përshkak se në shkollën e tyre nuk funksionon ngrohja. Bashkia e Gjirokastrës thonë se kanë kontaktuar firmën që ka vendosur kaldajat që të merren masat për rregullimin e saj.

Këshilli i prindërve të shkollës 9-vjecare “Urani Rumbo” në qytetin e Gjirokastrës, i ka dhënë ultimatum Drejtorisë Arsimore dhe Agjensisë së Mirëqënies dhe Kujdesit Social pranë Bashkisë Gjirokastër me bojkot mësimor.

Shkak është bërë mungesa e ngrohjes dhe temperaturat e ulëta të papërballueshmë nga fëmijët. Në shkresën e tyre ata kërkojnë rikthimin e sobave të blera me kontribut të prindërve dhe njëkohësisht deklaraojnë se nëse ngrohja në shkolla nuk rregullohet ata nuk do të dërgojnë më fëmijët në shkollë. Vetë fëmijët thonë se kaldaja është e pamjaftueshme pasi nuk ngroh.

Nga ana tjetër drejtori i Agjensisë së Mirëqënies dhe Kujdesit Social pranë Bashkisë Gjirokastër Armand Mamani, thotë se defekti i kaldajave është konstatuar ditën e premte. Sipas tij, është kontaktuar menjëherë firma që ka kryer punimet dhe pritet që difekti të rregullohet.

Në shkollën 9-vjecare “Urani Rumbi” që gjendet në lagjen Palorto, mësojnë 360 nxënës të cilët prej ditësh po vuajn nga i ftohti i temperaturave mjaft të ulëta çka ka shkaktuar edhe revoltën e tyre.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Zgjedhjet në SHBA, mbyllen qendrat e para të votimit

Zgjedhjet në SHBA, mbyllen qendrat e para të votimit

6 Nëntor, 00:16