POP 5

Lajmet më të lexuara të 5 minutave të fundit

Kultura

Shkrimtarit Milan Kundera i rikthehet shtetësia çeke

Më shumë se katër dekada pasi iku nga komunizmi në atdheun e tij, shkrimtari, Milan Kundera, e ka rifituar shtetësinë e tij çeke. Shkrimtari 90 vjeçar, është autori i shumë veprave me famë ndërkombëtare, përfshirë veprat "Shakaja" dhe "Mosdija".

Shkrimtarit Milan Kundera i rikthehet shtetësia çeke

Më shumë se katër dekada pasi iku nga komunizmi në atdheun e tij, shkrimtari, Milan Kundera, e ka rifituar shtetësinë e tij çeke.

Shkrimtari 90 vjeçar, është autori i shumë veprave me famë ndërkombëtare, përfshirë veprat "Shakaja" dhe "Mosdija".

"Ky është një gjest simbolik shumë i rëndësishëm, një kthim simbolik i shkrimtarit më të madh çek", tha Petr Drulak, ambasador i Çekisë në Francë, i cili i dorëzoi dokumentet e shtetësisë shkrimtarit Kundera, në apartamentin e tij në Paris.

Në vitin 1975 Kundera iku nga Çekosllovakia e atëhershme e cila qeverisej nga komunistët.

Katër vjet më vonë, regjimi komunist ndaloi librat e tij dhe i hoqi shtetësinë pas botimit të veprës "Libri i Qeshjes dhe Harresës", në të cilin ai e quajti presidentin e atëhershëm Gustav Husak "president i harresës".

Kundera mori nënshtetësinë franceze më 1981 dhe rrallë e vizitoi atdheun e tij, madje edhe pas rënies së komunizmit më 1989 dhe ndarjes pasuese të Çekosllovakisë më 1993.

Kryeministri çek, Andrej Babis,e filloi së pari idenë për kthimin e shtetësisë së Kunderës, pasi të dy u takuan në kryeqytetin francez vitin e kaluar.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54