POP 5

Lajmet më të lexuara të 5 minutave të fundit

Bota

Shkroi për trafikun e armëve drejt Britanisë, ambasadori shqiptar në Britani: Titulli i 'The Sun’ keqinformues

Ambasadori i Shqipërisë në Mbretërinë e Bashkuar, Uran Ferizi, nëpërmjet platformës X ka reaguar ndaj medias britanike “The Sun” në lidhje me artikullin e botuar mbrëmjen e 2 gushtit për trafikun e armëve drejt Anglisë dhe grupi që fshihet pas

Shkroi për trafikun e armëve drejt Britanisë, ambasadori shqiptar në Britani: Titulli i 'The Sun’ keqinformues

Reagimi i Uran Ferizit

Ambasadori i Shqipërisë në Mbretërinë e Bashkuar, Uran Ferizi, nëpërmjet platformës X ka reaguar ndaj medias britanike “The Sun” në lidhje me artikullin e botuar mbrëmjen e 2 gushtit për trafikun e armëve drejt Anglisë dhe grupi që fshihet pas.

“Një titull konfuz, keqinformim, nga The Sun. Lavdërime policisë shqiptare për udhëheqjen dhe menaxhimin e këtij operacioni me ndihmën e SPAK dhe NCA ( Agjencisë Kombëtare Britanike kundra Krimit)" shkruan ambasadori, Ferizi.

Madje i sugjeron gazetës 'The Sun' dhe një titull tjetër.

"Ja ku është një titull më i mirë. Policët trima shqiptarë sekuestrojnë armë të destinuara për gangsterët djallëzorë në Londër”, përfundon ai.

Një grup i strukturuar kriminal i trafikut të armëve nga Shqipëria në Mbretërinë e Bashkuar u shkatërrua përmes një operacioni të gjerë të SPAK, BKH dhe Policisë së Shtetit  si dhe u sekuestrua një arsenal armësh që kishte destinacion vendin ishullor.
Në pranga ranë Adulla Hoxhaj, 44 vjeç, drejtues i grupit, Bojken Turtulli, 21 vjeç dhe Rifat Avdiaj, 62 vjeç, të tre banues në Tiranë, ndërsa u shpallën në kërkim 3 të tjerë.

Gjatë operacionit  të koduar “Inkorporimi”  që u mor më 1 gusht 2024 u kontrolluan 6 shtëpi, në Tiranë dhe Tropojë. Në banesën e të cilësuarit si kreu i grupit kriminal, Adulla Hoxhaj, u gjetën 24 pistoleta dhe 1 kallashnikov, qindra fishekë, lazera për montim në armët speciale që shërbejnë për qitje në distancë dhe pajisje optike. Po ashtu, u sekuestruan veshje kamuflazhi si ato të forcave speciale, 4 makina, 8 celularë, karta SIM, 2 laptopë dhe 2 thika. 


Lajmi kryesor:

Media britanike ‘The Sun’: Armët e kapura për në Angli, trafikoheshin nga një grup në Tropojë me lidhje në Londër
Xh.K/S.G/Shqiptarja.com
  • Sondazhi i ditës:

    Rama e deputetët e vjetër të PS në lista të hapura, është vendimi i duhur?

Lajme të tjera



×

Lajmi i fundit

MotoGP/ Marc Marquez 'mposht' shiun dhe fiton garën e San Marinos! Lë pas Bagnaian

MotoGP/ Marc Marquez 'mposht' shiun dhe fiton garën e San Marinos! Lë pas Bagnaian

8 Shtator, 20:58