Policia britanike ka konfirmuar se tre persona kanë vdekur nga flakët e mëngjesit të sotëm që përfshinë një hotel në Perth dhe Kinross.
Shërbimet e urgjencës u thirrën në hotelin e New County në County Place pranë qendrës së Perthit pak pas orës 5 të mëngjesit të së hënës. Më shumë se 60 zjarrfikës morën pjesë në përpjekjen për shuarjen e flakëve.
Tre persona ndërruan jetë nga zjarri dhe mysafirët e hotelit, si dhe dy persona nga një bllok banesash fqinje ishin evakuuar. Njëmbëdhjetë persona morën trajtim në vendngjarje, por nuk kishin nevojë të shkonin në spital.
![](https://shqiptarja.com/template/img/NO_ALFA_Kuadrate shqiptarja.png)
Duke dhënë një deklaratë pranë vendit të ngjarjes në Perth, Jason Sharp, komandanti i zonës së shërbimit të shpëtimit dhe zjarrfikësve skocez për Perth, Kinross, Angus dhe Dundee, tha: "Ky ishte një incident shumë kompleks, ku tre persona u shpallën të vdekur në mënyrë tragjike në vendngjarje. Ai shtoi: “Zjarrfikësit tanë punuan jashtëzakonisht shumë në një mjedis shumë kompleks dhe sfidues për të parandaluar përhapjen e mëtejshme të zjarrit dhe dëmtimin aty ku ishte e mundur”
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)