Lushnjë- Shkrumboi 50 hektarë tokë kryesisht të mbjellë me pemë frutore dhe ullinj në Lushnjë, arrestohet për piromani i moshuari.
Policia vendore njoftoi sot se pas hetimeve për ngjarjen e ndodhur në lagjen “Xhevdet Nepravishta” pasditen e djeshme (14 Gusht), ku u rrezikuan të digjeshin edhe disa banesa, identifikoi dhe prangosi për zjarrvënie nga pakujdesia të dyshuarin R.S., 70 vjeç, banues në Karbunarë.
Gjithashtu u procedua në gjendje të lirë edhe D.C., 37 vjeç, banues në lagjen ku ndodhi ngjarja, pasi kundërshtoi Policinë gjatë operacionit për shoqërimin e personave të dyshuar.
Sipas dinamikës nga hetimet paraprake për ngjarjen që shkaktoi dëme të konsiderueshme materiale, i moshuari ka qenë duke djegur mbeturinat në tokën e tij, kur situata dhe vatra i doli jashtë kontrollit, për shkak të erës së fortë. Sipërfaqja e djegur u zgjerua shumë shpejt, duke rrafshuar edhe qindra pemë frutore të mbjella dhe bilanci i të cilave po inventarizohet ende, në pronësi të familjeve të ndryshme.
“Ky shtetas dyshohet se nga pakujdesia, ka ndezur zjarr në tokën e tij, në lagjen "Xhevdet Nepravishta", për të djegur mbeturinat dhe si pasojë e erës zjarri ka dalë jashtë kontrollit duke djegur rreth 50 ha tokë të mbjellë me pemë frutore dhe ullishte, si dhe u rrezikuan disa banesa përreth”, bëri me dije Komisariati.
Falë ndërhyrjes së menjëhershme të forcave të Policisë, Zjarrfikëses, Emergjencave Civile dhe të Bashkisë, është bërë i mundur evakuimi i banorëve nga zona e rrezikuar, si dhe shuarja e vatrave të zjarrit.
“Për këtë rast u procedua penalisht edhe shtetasi D. C., 37 vjeç, banues në lagjen "Xhevdet Nepravishta", Lushnjë, pasi ka tentuar të pengojë punonjësit e Policisë për shoqërimin e banorëve të pranishëm në vendngjarje, në momentin e rënies së zjarrit”, sqaroi grupi hetimor. Ngjarja po vijon të hetohet nga prokuroria vendore.
Lajme të tjera
-
Lushnjë/ Mbahet mesha e shenjtë e Krishtlindjeve në Kishën Katolike ‘Pjetri dhe Pali’, marrin pjesë besimtarë të shumtë
24 Dhjetor, 21:51 -
Miratohet buxheti i bashkisë së Fierit, këshilltarët e opozitës bashkojnë votat me PS-në
24 Dhjetor, 15:26
-
Panik në Paris, zjarr në ashensorin e Kullës Eifel, evakuohen 1200 veta
24 Dhjetor, 12:59 -
Fier/ Përplasen 2 automjetet ‘Benz’ në Levan-Tepelenë, 4 persona përfundojnë të plagosur në spital (VIDEO)
23 Dhjetor, 20:31 -
VIDEO/ Aksident në hyrje të Lushnjës, ‘Benzi’ del nga rruga dhe përfundon në përrua, banorët e zonës shpëtojnë shoferin
23 Dhjetor, 18:00 -
Moti i keq në Fier, reshjet intensive lënë pa energji elektrike Libofshën dhe rrethinat e saj
23 Dhjetor, 16:29 -
Pogradec/ Shkrumbohet makina e ish-oficerit të krimeve, digjen pjesërisht dhe dy mjete afër tij! Dëshmon se nuk ka konflikte, ja për çfarë dyshohet
23 Dhjetor, 13:13 -
Moti i keq, Fieri përfshihet nga rrebeshet e shiut me erëra të forta! Vështirësohet qarkullimi, probleme me energjinë në Frakull
23 Dhjetor, 10:27 -
Aksident në aksin Fier- Lushnjë/ Makina e forcave ‘Shqiponja’ përplaset me barrierën ndarëse (VIDEO)
22 Dhjetor, 12:23 -
3 muaj në qelinë 6 në Fier, Salianji reagon për mandarinat me pesticide: Vidhen fondet e BE, fermeri në mëshirë të fatit
21 Dhjetor, 12:00 -
Fier/ Morën zhavorr në Lumin e Vjosës, Prokuroria dërgon për gjykim 3 persona
21 Dhjetor, 10:31 -
‘Bankers’ investoi 10 milionë USD për komunitetin në 15 vite! Xiao: Përmirësojmë jetën e banorëve në Patos-Marinzë
20 Dhjetor, 17:17
