Shmanget tragjedia ajrore në aeroportin e Prishtinës, avioni i kompanisë “Easyjet” për pak sa nuk përplaset me veturën në pistë

Prishtinë- Një tragjedi ajrore është shmangur në momentet e fundit në Kosovë, teksa një avion “Airbus A320” i kompanisë “Easyjet” i ka shpëtuar për pak përplasjes aksidentale me një veturë në aeroportin ndërkombëtar të Prishtinës.

Automjeti i aeroportit ishte në pistë, kur mjeti fluturues nisi udhëtimin për në Gjenevë.

Incidenti ka ndodhur më 20 qershor, por u publikua në mediat kosovare vetëm sot. Kështu thuhet në një deklaratë të publikuar nga Bordi Zviceran për Hetimet e Sigurisë (SUST) të premten (16 Gusht), sipas raportimit të “Klankosova”.

LEXO EDHE:
Balla nderohet nga Komuna e Deçanit me Titullin e Mirënjohjes, për 'angazhimin personal në ndërtimin e raporteve vëllazërore në mes të faktorit shqiptar'

Airbus, me regjistrim zviceran HB-JXF, mësohet se kishte marrë lejen për t’u ngritur për në pistën nr. 35, pak pas orës 17:00. Në të njëjtën kohë, një automjet i aeroportit ishte parkuar në skajin tjetër të pistës.

“Pas ngritjes, aeroplani fluturon mbi makinë në një lartësi të mjaftueshme. Ekuipazhi i aeroplanit deklaroi se ata kishin fluturuar mbi makinë me pajisjen e uljes ende të zgjatur”, thuhet në raportin e SUST.

Por nuk specifikoi se sa njerëz ishin në bordin e aeroplanit në momentin e incidentit. “Airbus” në fjalë ofron hapësirë dhe kapacitet ​​për 186 pasagjerë në bord. Komisioni përgjegjës i aviacionit të Kosovës ka hapur edhe një hetim.

TAG:
• kosove
• prishtine
• Aeroport
• Easyjet

Sondazhi i ditës:

Si ka qene per ju viti 2024?

• I mire

  43.6%

• I keq

  22.7%

• As i mire as i keq

  33.7%

Vota total: 1633

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq