Efektivët e patrullës së përgjithshme në Shkodër kanë shoqëruar në mënyre të kundraligjshme operatorin e një prej televizioneve private Kristian Troshani ndërsa ky i fundit ishte në krye të dëtyres.

Ngjarja e paprecedentë ka ndodhur mbrëmjen e së hënës pranë qëndrës së qytetit të Shkodrës, kur 2 efektivët e patrullës së përgjithshme janë afruar pranë automjetit të televizionit dhe kanë kërkuar drejtuesin e mjetit.

Në ato moment, pranë automjetit është paraqitur operatori i cili ka qënë duke kryer disa filmime, por efektivët e policisë në mënyrë harbute kanë dëtyruar operatorin që të marrë automjetin dhe të shkojë në komisariatin e policisë edhe pse pa dëshirën e tij ndërsa  ky i fundit u ka kërkuar që të presin drejtuesin e automjetit i cili ka qënë pranë mjediseve të Televizionit.

Por si të mos mjaftonte sjellja e efektivëve të patrullave, Troshani është mbajtur rreth 1 orë në mjediset e komisariati pa asnjë shkak edhe pse nuk kishte kryer asnjë vepër penale.


Redaksia Online
(F.T/shqiptarja.com)