Reali i Madridit do të ndeshet me Manchester Cityn, teksa ndeshja e parë do të zhvillohet në Angli, ndërsa finalisti do të vendoset në Madrid në ndeshjen e kthimit.
Përplasja tjetër do të jetë mes Atletikos së Madridit dhe Bayernit të Mynihut. Gjermanët nuk e kanë preferuar ekipin e Simeones në gjysmëfinale përballë, pasi janë ankuar gjithmonë për lojën e ashpër, por goglat menduan ndryshe.
Ndeshjet e para të gjysmëfinales luhen me datat 26 dhe 27 prill, ndërsa ato kthyese me datë 3 dhe 4 maj.
Pas shortit të Champions janë përcaktuar edhe dy 2 çiftet gjysmëfinaliste të Europa League. Liverpool do të përballet me spanjollët e Villarreal, ndërsa mjeshtrja e këtij kompeticioni Sevilla me Shakhtarin.
Kështu edhe në Europa League është shmangur përplasja mes ekipeve spanjolle në gjysmëfinale.
Ndeshjet e para do të luhen me datë 28 prill, ndërsa ato kthyese me 5 maj.
d.b/shqiptarja.com